أسرار المشروع الجديد للملياردير الإماراتي خلف الحبتور في مصر

ماذا يحدث في العلمين الجديدة، محمد بن زايد رئيس الإمارات موجود هناك، والآن الملياردير خلف الحبتور وصل على طيارته، فهل هذا معناه اننا سنرى مشاريع اماراتية جديدة في مصر؟أم هذه مجرد إجازة وفسحة؟

“وصلنا بحمدالله وسلامته إلى مدينة ⁧‫العلمين‬⁩ الساحرة في الساحل الشمالي لجمهورية مصر العربية العزيزة على قلبي”

بالجملة دي الملياردير خلف الحبتور، نزل بوست بصفحته علي الفيسبوك، وهو متصور في طيارته الخاصة.

َواللغز بقى ان الحبتور كان هنا الشهر اللي فات ولف على مجموعة فنادق في الساحل الشمالي ومبطلش شكر في الطبيعة الخلابة للمكان، واللي زود جماله التزام واحتراف الإدارة اللي ماسكة الفنادق وكمان اللي شغالين فيها.

انت متخيل انه بص على كل التفاصيل حتى الاكل، اه والله ده قال انه شاف في البوفيه كميات اكل كبيرة وبجودة ممتازة وأصناف متنوعة مشفهاش في افخم فنادق العالم.

والجديد بقى انه زيارته المرة دي في نفس توقيت زيارة محمد بن زايد للساهل الشمالي برضه، عشان كده الحبتور قال فرحت زادت لما وصلت ولقيت طيارة الشيخ محمد بن زايد على أرض المطار.

وخلال الساعات الأخيرة انتشرت فيديوهات لمحمد بن زايد وهو بيتصور مع الناس في شوارع العلمين من غير اي حراسة.

فياترى إيه سر زيارة الحبتور المرة دي لمصر؟

الحقيقة الملياردير كان صريح المرة دي، لأنه أكد إنه سفريته المرة بيزنس في بيزنس، وهو جاي مخصوص عشان يدرس عدد من الأعمال والمخططات اللي هيعلن عنها قريب.

وده يقولك ان زيارته المرة اللي فاتت كانت وراها حاجة مش مجود فسحة وخلاص، بس طبعا في عالم البزنس الكتمان مطلوب، لكن احنا هنقولك الكواليس.

وحسب اللي انتشر في مواقع اخبارية، الحبتور بيدرس بقوة إقامة مشروع سياحي في الساحل الشمال، عشان كده في زيارته الأخيرة عمل جولة في العلمين شاف فيها عدد من قطع الاراضي المعروضة للبيع أو الشراكة في منطقة الساحل الشمالي بهدف إقامة مشروع سياحي عقاري متميز في المنطقة دي.

والتفاصيل بتقول ان الحبتور شاف 3 قطع أراضي منها واحدة في الكيلو 245 بالقرب من خليج ألماظة، بمساحة 210 فدان، والتانية بمدينة العالمين الجديدة أما القطعة التالتة بمساحة 150 فدان في منطقة ال

فهل معنى كده ان الملياردير هيركز في الساحل الشمالي ويصرف نظر عن مشروع صلاح سالم؟ وإيه أصيل مشروع صلاح سالم ده؟

بص ياسيدي في حوار سابق ليه مع احمد موسى، الحبتور قال انه عنده مشروع لمنطقة صلاح سالم، ولو اتنفذ هيحول المنطقة لجنة الدنيا في الأرض.

وسبق برده وقال في تصريحاته لقناة العربية انه عنده فكره مشروع عقاري ضخم في مصر شبه الحبتور سيتي كده في الامارات وتكلفته 8.5 مليار دولار.

 الحبتور سيتي

ده ياسيدي مشروع ضخم بتنفذه مجموعه الحبتور في الإمارات، ولو رجعت بالذاكرة لورا شوية هيقابلك فيديو لحيتان طايرة في سماء الإمارات

وده بقى كان نوع من الدعاية للمشروع اللي المفروض يضم برج الحبتور، وده هيبقى أكبر برج سكني العالم بتكلفة 3.7 مليار درهم اماراتي.

بس الصراحة نوايا الحبتور للاستثمار في العلمين مكنتش مفاجأة اوي، لأن الحكومه سبق واعلنت قبل كده عن رغبه الحبتور في الاستثمار جوه مدينه العلمين الجديده وكمان ارض المعارض اللي موجودة على طريق صلاح سالم، حسب المصري اليوم.

بس الكلام ده كان من كان سنة، وواضح كده ان حان الوقت للتنفيذ أخيرا، وعشان تتخيل حجم الفلوس اللي بيديرها خلف الحبتور لازم تعرف في الأول طبيعة شغله أو بمعنى أصح طبيعة شغل مجموعة الحبتور.

ودي واحدة من أكبر المجموعات الاقتصادية في الوطن العربي ثروتها بالمليارات شغلها الأسس في قطاع العقارات والفنادق، ودلوقتي هي بتدير وتمتلك 14 فندق داخل وخارج الامارات.

وبما ان البحر يحب الزيادة، مجموعة الحبتور دخلت بتقلها في مجالات تانية من البزنس زي السيارات الفارهة والتعليم والنشر.

ودلوقتي بقى تفتكروا واخد زي خلف الحبتور لنا يفتح مشروع جديد ليه في العلمين، ده هيجر رجل باقي المستثمرين؟