إذا كنت تبحث عن طريقة آمنة وموثوقة للاستثمار أموالك وتحقيق عوائد عالية، ولم تعثر على الخيار المناسب، فقد ترغب في الاستماع إليّ. سأقدم لك أفضل مكان للاستثمار حيث يمكنك تحقيق عوائد مرتفعة.
وده لأن البنك فيه اكتر من بنك طرح ودايع بعائد خيالي، ولو انت يا سيدي ملكش في الودائع انا هقولك أعلى شهادة تستثمر فيها فلوسك
بس إيه تفاصيل الودايع ديه؟ ومين البنوك اللي بتقدمها؟ والعائد بتاعها كام؟ وإزاي تكسب 1.5 مليون جنيه في 6 شهور؟!
البنوك كل يوم والتاني بتطرح أوعية ادخارية جديد عشان تجذب اكبر قدر من العملا ليها،وده لأن ملايين من الناس اتجهوا في الفترة الأخيرة لاستثمار فلوسهم عشان يزودها نتيجة خفض الجنيه كل شوية.
وهنا ناس كتير بتخاف تربط فلوسها في شهادة لأن مدتها في المتوسط 3 سنين، وده مش نتلسب للناس اللي بتدور على استثمار قصير الأجل.
عشان كده البنوك أعلنت عن طرح 3 ودائع قصيرة الأجل وبأعلى عائد، منهم البنك التجاري وفا بنك إيجيبت اللي طرح وديعة مدتها 6 شهور بسعر فايدة سنوي 15.75%، لكن ده بشرط أن ميقلش الحد الأدنى لشرائها عن 10 مليون جنيه.
وبكده يكون ربحها 1.5 مليون جنيه ، وتحديدا مليون و 575 ألف جنيه، والوديعة دي متاحة للأفراد بس، ومن مميزاتها انك ممكن تقترض بضمانها
مش بس كده انت كمان عندك وديعة بنك الاستثمار العربي ودي مدتها برضو 6 شهور وبعائد 15%، الوديعة بتبدأ من 500 الف جنيه، يعني مكسبها 75 ألف جنيه ومتاحة للأفراد والشركات، وكمان تقتدر تقترض ضمانها
وعندك وديعة البنك العقاري المصري ودي تقريبا زي وديعة بنك الاستثمار العربي مدتها 6 شهور والعائد بتاعها 15% ومتاحة للأفراد والشركات، بس ممكن تشتريها بداية من 100 الف جنيه بس، يعني مكسبها 15 ألف جنيه.
أما بقى لو عايز تستثمر فلوسك في شهادات ادخار بدل من الودايع فعندك اكتر من شهادة العائد بتاعها خيالي، زي شهادة البنك بنك الاهلي المتحد ودي بعائد سنوي ثابت 20% وبيتصرف شهريا وبيتحسب من تاني يوم شرا للشهادة
الشهادة دي ممكن تشتريها من أول 500 الف جنيه، وممكن تستردها في اي وقت لكن بعد مرور 6 شهور من شرائها.
وأهم ميزة في الشهادة دي بقى انك ممكن تقترض لحد 95% من قيمتها، مش بس كده دي كمان بتمنحك بطاقة سحب آلي وبطاقة ائتمان بلاتينية
انت كمان عندك شهادة البنك الأهلي ودي العائد بتاعها 19% ومدتها 3 سنين، الشهادة دي تقدر تشتريها بداية من 1000 جنيه بس
ده كمان بيطرح شهادة اسمها امان للمصريين ودي بتشتريها ب500 جنيه بس مدتها 3 سنين والعائد بتاعها 13%، بس ممكن تستثمر فيها لحد مبلغ 2500 جنيه
الشهادة دي يا سيدي ممكن تستردها في اي وقت انت عايزه بالقيمة اللي اشترتها بيها أو في نهاية المدة بقيمتها وكمان بالعوايد
لكن للاسف انت مش هتقدر تقترض بضمانها ولا تصدر أي بطاقة ائتمان منها
ده كمان بنك مصر قدم شهادة ادخار بعائد سنوى متناقص بيبدأ بـ 22% في السنة الأولى و18% في السنة التانية، و16 % للسنة التالتة، والعائد بيتصرف شهريا
وعندك كمان شهادة بنك التعمير والإسكان ودي شهادة ادخار مدتها 3 سنين بأجلين، الأجل الأول بعائد 20 % سنويا، و الأجل التاني بعائد 18.5% شهريا.. وممكن تشتري الشهادة بعائد 100 ألف جنيه ومضاعفات 1000 جنيه.
ودلوقتي قولنا رايك في ودائعك البنوك، وياترى بتستثمر فلوسك فين دلوقتي؟
