اشتريت شهاده الـ 25% من البنك الأهلي ومصر أم لا؟ صحيح كلنا سمعنا عن أن آخر ميعاد للشهادات نهاية يناير الجاري، لكن كل يوم البنوك بتعلن زيادة حصيلة الشهادات، فهل ممكن البنكين يعطوا فرصة للعملاء،و نسمع عن إعلان مد ميعاد شراء الشهادات لـ بعد يناير؟ تابعونا لمعرفة الإجابة
شوفنا طوابير وزحمة في كل فروع البنك الأهلي وبنك مصر واللي ظهرت أول ما تم الإعلان عن شهادة الإدخار الجديدة، وده حصل عشان ناس كتير قدمت عليها ولسه كتير بيقدموا وده لأنهم عارفين إنها ممكن متنزلش تاني.
وناس كتير من اللي لسه مقدموش على الشهادة ومعاهم مدخرات مستنين يعرفوا المعاد النهائي لانتهاء طرح شهادات الادخار ذات العائد المرتفع من بنكي الأهلي المصري ومصر.
واللي نزلت بفائدة تتراوح بين 22.5% إلى 25%، حسب دورية صرف العائد، لكن التوقعات كلها بتقول إن مش هيكون في إمكانية لمواصلة طرح الشهادات لفترة طويلة.
طيب ليه مش ممكن يعلنوا عن مهلة كمان ؟
هقولك ياسيدي، بحسب التصريحات الرسمية اللي أعلنها بنكا الأهلي المصري ومصر فمش ممكن يتسمر طرح الشهادات دي لبعد شهر يناير الجاري، بمعني إنها هتنتهي مع نهاية الشهر، وهيكون ده المعاد النهائي لإتاحة الشهادات.
وده طبعًا لأنها حققت كل المستهدف منها وجمعت سيولة نقدية كان بيستهدفها البنك المركزي من الأسواق، وده عشان يحجم معدلات التضخم اللي كانت مرتفعه وبشدة مع نهاية السنة اللي فاتت، وكمان كان الهدف منها محاولة السيطرة على وتيرة زيادة الأسعار.
هل ستقف الشهادة خلال أيام؟
البيانات الرسمية اللي صدرت من البنكين الحكوميين الأكبر، قالت إن إلغاء الشهادات هيحصل فعلا خلال أيام وبحد أقصى نهاية الشهر الجاري.
يعني أي بعد 10 أيام بس من دلوقتي ، خاصة بعد ما صرح محمد الأتربي رئيس بنك مصر أن الشهادات جمعت أكثر من نحو 120 مليار جنيه لصالح البنك من وقت طرحها في 4 يناير الجاري.
وبعد منه أعلن البنك الأهلي إنه هيوقف الشهادات قبل بدء شهر فبراير، وده بعد ما جمعت الشهادات أكثر من 225 مليار جنيه، ومصادر بالبنوك أكدت إن الحصيلة اقتربت من 350 مليار جنيه. والبنك الأهلي كمان أكد أن الشهادات حققت الغرض اللي كانت نازلة عشانه.
وعلى الرغم من طرح بنك القاهرة الحكومي شهادة بنفس العائد قبل يومين، إلا أن موعد انتهاء الطرح بتاعها مش هيتسمر إلا لمدة أيام ولحد نهاية شهر يناير.
وعادة ما بيلجأ البنك المركزي لـ البنك الأهلي المصري وبنك مصر عشان يمتص فائض السيولة بالأسواق لما معدلات التضخم تزيد ويظهر تغيرات في سعر الصرف.
وعشان كدة شوفنا السيناريوا ده اتكرر قبل كده لما طرح البنكان شهادات بعائد مرتفع في وقت أزمة كورونا، وكانت الشهادات بعائد 15%، وبعدها بفترة طرحوا شهادات تانيه بعائد 18%.
قولنا رأيك في شهادات الـ25% وهل شايفين إنها فرصة متتعوضش ؟
