ماذا يحدث في سوق الدهب؟ منذ فترة وا\لأسعار في اتجاه الصعود ولا أحد يستطيع السيطرة عليها، لكن هل سيثتمر هذا الارتفاع أم أنه من الممكن أن تشهد أسعار الذهب استقرارا الأيام القادمة؟ وما علاقة ما يحدث بقرارا البننك المركزي برفع سعر الفائدة؟
وياترى نشتري دلوقتى ولا نستنى أفضل على أمل الأسعار تنزل تاني؟ ، خليكوا معانا في حلقتنا النهاردة وإحنا نقولكم تعملوا إيه:
الدهب بقاله فترة مجنن الناس ومش مستقر خالص لكن يا ترى إمتى ممكن نشوف استقرار في أسعار الدهب؟خبراء الاقتصاد توقعوا إن الفترة الجاية هيستمر الدهب في الارتفاع في السوق المحلي، وده بسبب ارتفاع أسعاره عالميا وكمان زيادة الطلب عليه في السوق المحلي.
وده اللي أكده هاني ميلاد رئيس شعبة الدهب بغرفة القاهرة التجارية وقال إنه بيتوقع إن أسعار الدهب تزيد الفترة الجاية لكن ده مرهون بارتفاع أسعاره في الأسواق العالمية.بمعنى إن الأسعار لو زادت برة هتتأثر بيها الأسواق المصرية .
مش بس كدة ده كمان اتكلم عن الحالة اللي مش مفهومه اللي وصفها بالضبابية لسعر صرف الدولار وقال إن ده سبب رئيسي بيخلي المستثمرين يقبلوا على شراء الدهب وده لأنه ملاذ آمن بالنسبالهم وطبعا زيادة الطلب على المعدن الأصفر في السوق المحلي بتخلي الأسعار تحقق قفزات كبيرة جدا.
واتفق معاه في الكلام نادي نجيب سكرتير عام شعبة الدهب بالغرفة التجارية بالقاهرة، وقال إنه شايف إن أسعار الدهب هتزيد الفترة الجاية وده عشان هي مرتفعة عالميا وكمان بسبب الدولار اللي زاد سعره بشكل كبير في السوق السوداء على المستوى المحلي.
أما وصفي أمين واصف رئيس شعبة الذهب الأسبق، فـ أكد في تصريحات ليه إن ارتفاع أسعار الأصفر في الفترة الأخيرة كان سببه وجود إقبال كبير من المواطنين على شراء الدهب الخام في صورة جنيهات وسبائك ذهبية، وطبعا من وجهة نظر المواطنين إن ارتفاع أسعار الدهب باستمرار، بتحقق عائد أعلى من عائد البنوك، وعشان كده كان في سباق على شراء الدهب الخام.
ولو انت مش عارف فـ للأسف الفترة اللي فاتت سعر الجنيه نزل بشكل كبير وده بظبط من يوم 21 مارس اللي فات وده بعد ما سمح البنك المركزي للجنيه إنه يتحرك بناء على العرض والطلب وده نظام سعر صرف من بينفذه البنك عشان يوصل لسعر حقيقي للجنيه مقابل الدولار.
وده اللي خلى الدولار يرتفع بنسبة 96% وده خلاه في البنوك يقرب من مستوى 31 جنيه.مش بس كده ده كمان أسعار الدهب في مصر في أواخر شهر حققت ارتفاعات كبيرة وسجل سعر الجرام مستويات قياسية موصلنلهاش قبل كده في مصر ووصل سعر جرام 21 حوالي 2175 جنيه وده بالمقارنة بـ 1715 جنيه يوم 1 مارس.
وسجل عيار 18 حوالي 1864 بعد ما كان سعره 1436 جنيه بس في بداية الشهر.أما عيار 24 فسجل حوالي 2486 جنيه للجرام بعد ما كان سعره 1914 جنيه بس في بداية شهر مارس.اما سعر الجنيه الدهب فسجل 17400 جنيه بعد ما كان سعره 13400 جنيه بس في بداية شهر مارس .
وطبعا بعد كل اللي قولناه ده يبقى الأكيد إنك لو عايز تشتري متأجلش القرار ده وده لأن السعر بيختلف من يوم وليلة وكل يوم الدهب في زيادة
دلوقتي قولنا من وجهة نظرك إيه هي أسباب ارتفاع أسعار الدهب في مصر؟
