في العام الماضي طرح البنك المركزي الـ 10 جنيه الورقية والتي تفاعل معها المواطنين بشكل كبير، ولكن المفاجأة الجديدة أن الحكومة انتهت من إجراءات تصميم أول 20 جنيه بلاستكية، تابعونا لمعرفة موعد إصدارها ومميزاتها.
لو انت بتحب الفلوس الجديدة فـ انت على معاد مع طرح أول 20 جنيه بلاستكية من مادة بوليمر، ودي نفس المادة اللي البنك المركزي أصدر بيها العشرة الجنيه الورقيه السنة اللي فاتت.
ولو فاكرين وقتها الدنيا اتقلبت والناس فرحت جدا بيها، وبدأو يصوروها ويتفاعلوا معاها على مواقع السوشيال ميديا
والمفترض إن البنك المركزي بيجهز الفترة الجاية لإصدار الـ20 جنيه الجديدة وده اللي أكده مصدر مسؤول في البنك المركزي لـ موقع مصراوي.
وحسب تصريحات المصدر فـ إصدار أول 20 جنيها بلاستيكية واقف حاليا على إصدار تعليمات مباشرة من محافظ البنك المركزي حسن عبد الله عشان يتم طباعتها وإتاحتها في البنوك والسوق للتداول بين الجمهور، خاصة بعد ما قدرت الـ 10 جنيه البلاستيكية إنها تتشهر بشكل كبير ويكون ليها تداول واسع بين المواطنين”.
والمفروض إن البنك المركزي كان في الاصل بيخطط لطرح أول 20 جنيها بلاستيكية في السوق قبل نهاية السنة اللي فاتت أو خلال الربع الأول من 2023 لكن لحد دلوقتي مأعلنش عن طرحها
طيب هل لو نزلت الـ 20 جنيه الجديدة القديمة هتتغلي؟
لا ياسيدي الموضوع مش بيمشي كده خالص وده لأن طرح الـ 20 جنيها البلاستيكية في أي وقت مش معناه إلغاء العمل بالـ20 جنيه الورقية القديمة لكن هيتم التعامل بالاتنين مع الجمهور وده نفس اللي حصل مع الـ 10 جنيه البلاستيكية الجديدة و الورقية القدمية.
ولو انتوا فاكرين فـ البنك المركزي طرح أول 10 جنيه بلاستيكية مصنوعة من مادة بوليمر من سنة و تحديدا قبل عيد الفطر 2022
طيب ياترى إي هي مميزات إصدار أول 20 جنيها بلاستيكية مصنوعة من مادة بوليمر في 2023؟
أول ميزة وهي هتكون لصالح ذوي الهمم وده لانه بيتم تصميمها بطريقة (برايل) عشان تسهل عليهم قراتها، وده طبعا ضمن مجهودات الدولة والبنك المركزي عشان تعزز انخراط ذوي الهمم بالمجتمع.
كمان البنك المركزي استعان بمجموعة من المكاتب العالمية عشان يصمم عملة الـ 20 جنيها البلاستيكية.كمان بتتميز النقود البلاستيكية بالمرونة والقوة، وان سمكها بيكون أقل
والجميل إنه بيكون عمرها الافتراضي أطول واللي بيوصل لـ 3 أضعاف عمر الفئة الورقية الحالية المصنوعة من القطن.
والمفاجأة إنها بتكون مقاومة للماء.ومش بتتأثر بالاتربة وده لأنها صديقة للبيئة وقابلة لإعادة التصنيع.وكمان الورقة الجديدى دي بتكون أكتر مقاومة للتلوث مقارنة بفئات النقود الورقية المتداولة.وبيكون صعب جدا إنه يتم تزييفها أو تزويرها.
ولو انت مش عارف فـ النقود الجديدة بيتم طباعتها هنا في مصر في مطبعة النقد الجديدة بالعاصمة الإدارية.
