تخيل إن مصر لديها ثروات معدنية كافة لتسديد ديونها كلها دون أن نحتاج لقروض أخرى، ولذلك رئيس الوزراء الدكتور مصطفى مدبولي قرر دراسة تعظيم الاستفادة من خام التنت.الوم
والسؤال هنا ياترى إيه اللي ممكن مصر تستفيده من القرار ده؟، وإزاي ممكن يكون في صالح الاقتصاد والدخل القومي، خليكوا معانا واحنا نقولكم إيه الحكاية:
مصر عندها معادن كتيرة جدا في أرضها وده لأن الصحراء المصرية سواء الشرقية أوالغربية فيها حوالي 31 نوع من المعادن والخامات واللي بتتميز بجودتها العالية، ده كمان في جزء كبير منها معادن نفيسة، زي الدهب والفضة والبلاتين
والمفاجأة بقا إن رئيس الوزراء المصري الدكتور مصطفى مدبولي، وجه الحكومة بـ دراسة تعظيم الاستفادة من خام التنتالوم، ولو انت مش عارف فـ خام التنتالوم بيعتبر واحد من أهم العناصر الأرضية النادرة والمتواجد في صخور الأبوجرانيت.
طيب معلش يعني سؤال إحنا هنستفاد إيه من الكلام ده ؟لا الحقيقة انت هتستفاد كتير وده لان الحكومة دلوقتي بتحاول توجهة استثماراتها لقطاع الثروة المعدنية وده عشان تدعم الاقتصاد الوطني.
وده اللي أكده رئيس الوزراء الدكتور مصطفي مدبولي وقال إن الدولة بتسعى لإدارة واستغلال الثروة المعدنية على أكمل وجه
عشان كده بتستخرج المواد الخام دي وتصنعها، وده طبعا عشان تستفاد من الخامات الطبيعية المتوفرة في مصر.
وخلي بالك إن ده توجيه من الرئيس عبد الفتاح السيسي بتعظيم القيمة المضافة لـ المواد دي لصالح الاقتصاد الوطني والدخل القومي وده طبعا هيدعم الخطة الصناعية الشاملة للدولة.
طيب الحكومة اشمعنا اختارت خام التنتالوم بالذات؟بص ياسيدي الحكومة الفترة دي وجهت باستكمال المفاوضات مع الشركات المحلية والعالمية المهتمة بالعمل في استخراج خام التنتالوم، وده عشان يمهد للاتفاق على أفضل سبل استغلاله.
مش بس كده دي كمان مصر بدأت تعرف أماكن توافر المعدن ده في كل العالم والدول المنتجة والمستهلكة ليه وأشهر سلاسل التوريد وده طبعا عشان تبدأ تصدر منه وتستغله
ولو انت مش عارف فـ منجم التنتالم بمنطقة أبو ضباب بيعتبر الثالت على مستوى العالم من حيث الاحتياطي.ده كمان صحيفة «الإندبندنت» العالمية قالت إن مناجم أبو ضباب بتعتبر المصدر الرئيس للتنتالوم، في الفترة الجاية.
وإنه.بتقدر كمية التنتالوم الموجودة في مناجم «أبو ضباب» بـ40 مليون طن.وبتمتلك نص النسبة دي شركة «جيپسلاند» ودي شركة عريقة في سوق التنقيب العالمية
وكمان الشركة دي طلبت من أكبر البنووك في ألمانيا تمويل مشروعاتها في المنطقة بحوالي 30 مليون جنيه استرليني.
وده لأن في مؤسسات اقتصادية دولية اكدت إن كل الاستثمارات دي هتعود بأرباح مضاعفة للشركة وده لأن ارباح المشروعات دي مضمونة.
والمفاجأة إنه بيستخدم 50 % من إنتاج التنتالوم في صناعة 25% من مكونات الطائرات النفاثة، غير كمان إنه بيساعد في إنعاش وتعزيز صناعة الدوائر الإلكترونية والكهربائية الدقيقة وأجهزة المحمول واللاب توب، وتصنيع الشرائح التعويضية اللي بيتم تركيبها في عظام الإنسان وده لأنه مش بيتفاعل مع الجسم.
مش بس كده ده كمان بيتم استخدامه في المكونات الطبية الدقيقة والمفاصل الصناعية المتطورة، وصناعة شفرات الحفر وأجهزة قطع الجرانيت.
دلوقتي قولنا رأيك في اتجاه مصر لاستغلال ثرواتها الطبيعية؟
