الكثير منا يعاني من ضياع راتيه الشهري في بداية الشهر وذلك بسبب ارتباط العديد من الأشخاص بسدا أساط ودفع الالتزامات بمجرد أن يحصل على راتبه الشهري، ولذلك فإن البعض يشكون من قلة راتبه وأنه ا يكفيه سوى يضعة ايام في الشهر، لذلك فإن الحكومة قررت رفع الرواتب في بداية العام المقبل، ولمعرفة النسبة والتفاصيل الكاملة تابعنا منخلال التقرير التالي:
لا إنت مش هتكون بتحلم ، هتلاقيك بتقول بجد ؟ ده حلم ولا علم ؟ إطمن هو علم ، الحكومة قررت تقول للمواطن هابى نيو يير وأظن ذى أحلى هابى نيو يير ممكن تتقالك سيبك من خطيبك ولا جوزاك ومراتك، ولما تقولك عايزة ورد يا إبراهيم سمعها ساعتها قرار الحكومة ده .
فإنت من أول يناير هتكون إنسان جديد وممكن بالزيادة دى تشيل حديد فعلا ليه لا؟ وزير القوى العاملة حسن الشحات قال إن بدأوا ياخدوا الإجراءات للزيادة دى ،وده هيكون من خلال التعاون مع الشركات والمجلس القومى للأجور، وإن هيتم بعد تفعيل رفع الحد الأدنى للأجور ل 2700 بالنسبة للعاملين فى المجلس الإدارى للدولة فى إبريل الى فات.
مجدى البدوى عضو المجلس القومى للأجور قال إن الحد الأدنى للأجور فى القطاع الخاص بردوا هتكون 2700 ج، يعنى متخليش حد يضحك عليك بمرتب أقل من ده ، أكتر يبقى خير وبركة .
مجدى بدوى قال كمان إن الدولة بتوفر الأجور لأصحاب الأعمال علشان يكونوا قادرين على دفع الحد الأدنى ده،وأكد كمان إن المجلس وافق على تحديد العلاوة الدورية ب 3% من الأجر التأمينى يعنى حوالى 70ج كحد أدنى ، وقال كمان إن الزيادة دى هى حق أصيل لعمال القطاع الخاص فى ظل الأحوال الإقتصادية الصعبة اللى بنمر بها الفترة الأخيرة .
طبعا إحنا عارفين الحد الأدى للأجور السنة الى فاتت كان 2400ج يعنى هيزيد 300ج فى 2023. المجلس القومي للأجورهحط مجموعة بنود على أساسها هيتم تطبيق القرار ده وهى ،هيتم مراعاة إحتياجات المال وعائلتهم وتكاليف المعيشة ، ويكون فى توازن بين أطراف العمل ، وطبعا زيادة مرتب يعنى زيادة إنتاج .
كمان إن تكون فى قواعد منظمة لصرف العلاوة الدورية السنوية وفقا لأحكام القانون ، وهيتم مراعاة أصحاب الأعمال لو عايزين يخفضوا نسبة العلاوة أو الإعفاء منها خالص لو حصل ظروف إقتصادية طائة .
ومن هنا ممكن يكون الشركة الى إنت شغال فيها متلتزمش بالقرار ده، وده بيحصل بعد ما أصحاب العمل بيقدموا أوراق رسمية للمجلس عن موزانتين بتاعت السنادى والسنة اللى فاتت ، ولو لاحظوا إن الشركة عندها أزمة مالية يبقى إنت لو بتاخد 2300 هيفضلوا زى ماهم .
كمان السيسي أقر فى أبريل اللى فات علاوتين الأولى دورية للموظفين المخاطبين بقانون الخدة العامة 7% من الأجر ، والتانية لغير المخاطبين 13%من المرتب الأساسى .
شاركونا فى التعليقات رأيكوا إيه فى الزيادة دى ؟ وهل هتكون ال 300 ج الزيادة مناسبة فى ظل الظروف الصعبة دى .
