مع إعلان البنك المركزي المصري رفع سعر الفائدة بنسبة 3% على الإيداع والإقراض والكل مترقب أن هذا القرار سيكون له أثار سلبية، لكن تخيل أن له آثار إيجابية على المواطنين.أبرزها في الذهب والمتوقع انخفاض سعره، ولكن من الذي سيخسر من هذا القرار وما سر انخفاض أسعار الذهب الفترة القادمة؟ أسئلة كثيرة سنعرف إجابتها من خلال التقرير التالي:
أثار قرار البنك المركزي برفع الفائدة على الإيداع والإقراض حالة من الجدل في الرأي العام المصري، وأصبح الكل بيسأل يا ترى إيه اللي هيحصل في البلد الفترة الجاية ومين اللي هتأثر عليه القرارات دي.
لكن تعرف أن القرارات دي هتأثر على قطاعات معينة أكتر من قطاعات تانية ومش بس كده لكنها هتكون لها فائدة كبيرة على قطاعات تانية.
أكثر الخاسرين من قرار رفع الفائدة
أكتر ناس هتخسر هما أصحاب القروض الشخصية واللي بتكون عبارة عن قروض استهلاكية يعني لا بتجيب فلوس على صاحبها وبالتالي كل لما تكلفتها بترتفع كل ما تعتبر عبء زيادة على المواطن، مش بس كده لكن كمان رفع سعر الفائدة على العملاء في القروض هيخلي الناس مش ترضى تعمل قروض عشان تشتري السلع الاستهلاكي والخدمات المختلف وبالتالي القطاع الاستهلاكي له هيتأثر الفترة الجاية.. لكن مع انخفاض حركة البيع والشراء هيخلي الأسعار تنزل وبالتالي هيقدر يواجه التضخم.
كمان من أكتر الناس اللي هتخسر الفترة الجاي هي الحكومة لأن القرارات دي هتنعكس بالسلب على أهداف الحكومة الرئيسي وهي خفض عجز الموازنة وكمان ارتفاع فوائد الديون.
طيب أمال إيه علاقة الذهب؟
من الناس اللي هتضرر بشكل كبير من القرارات دي هما تجار الذهب لأن الناس مع ارتفاع الدولار الفترة اللي فاتت بدأت تحط فلوسها في الدهب عشان تحافظ عليها في الوقت اللي قيمتها بتقل قدام الدولار، لكن القرارات دي هتخلي في شهادات بأرباح كبيرة تزود فلوسك بشكل كبير وبالتالي كل واحد هيبيع الدهب ويروح يعمل بالفلوس شهادات في البنوك.
ارتفاع الناس اللي بتبيع الدهب وانخفاض حركة الشراء بشكل كبير هيخلي أسعار الذهب تنزل بشكل كبير، وبالتالي الأسعار هتنزل بشكل كبير وتجار الذهب هيخسروا كتير.
مش بس كده لكن كمان الناس رفع الفائدة هيقيد رغبة المستثمرين في العودة للاقتراض بشكل قوي من أجل التوسعات والمشروعات الجديدة، مع زيادة التكاليف التمويلية وبالتالي ده هيكون له تأثير على بعض المستثمرين اللي بيعتمدوا على الإقراض.
أما الناس اللي بتستثمر في البورص فهيكونوا برضو من أكتر الناس اللي هتخسر لأن رفع الفائدة هيخلي الناس بدل ما تحط فلوسها في البورصة تروح تحطها في شهادات في البنوك وبالتالي ده هيخلي التداول في البورصة يقل الفترة الجاية.
