اليوم سنقول لك على شهادة بأعلى عائد موجود في مصر وممكن تكسب من خلالها 130 الف واكثر لكن بشرط واحد فقط، تابعنا من خلال التقرير التالي سنوضح أهم المعلومات عن شعادات الاستثمار.
دلوقتي مبقاش في حد في مصر مش بيفكر ازاي يستثمر فلوسه ويكبرها، عشان كده اكتر من بنك في مصر أعلن عن مجموعه من شهادات الادخار بعائد خيالي
زي البنك العربي الافريقي اللي أعلن عن شهادة بأكبر عائد موجود في مصر، بس إيه تفاصيل الشهادة دي؟
اقولك يا سيدي، البنك العربي الافريقي أعلن عن طرح شهادة ادخار ثلاثية بعائد 65% انت متخيل الرقم ده كبير ازاي يعني لو استثمرت في الشهادة دي مبلغ 200 الف جنيه فأنت كده هتكسب من وراها 130 الف
سعر الشهادة 5 آلاف جنيه ومضاعفاتها الف جنيه د، وزي ما قولنا مدتها 3 سنين بس
أما بقى لو انت مستعجل على فلوسك فنفس البنك قدم شهادة ثلاثية بعائد 40%، هتاخدها مقدم اول ما تشتري الشهادة يعني لو استثمرت فيهم 200 الف فساعتها هتاخد 80 الف مكسب فوق راس المال
أما بقى سعرها فهي ب5 آلاف جنيه ومدتها 3 سنين زي الشهادة اللي سبق واتكلمنا عليها
أما بقى لو انت عايز تغير رايك وتكسر الشهادة فأنت مش هتقدر تعمل كده غير بعد مرور 6 شهور من شرائها مع خصم نسبة من العائد
احسن ميزة فيها انك ممكن تقترض لحد 50% من قيمتها، بس للاسف مش هتقدر تجددها تاني
كمان بنك التنمية الصناعية طرح شهادة باسم اختيارك بعائد مقدم قيمته 39% بتاخدهم مقدم من غير ما تستنى دوريات صرف، مدتها 3 سنين وتقدر تشتريها ب50 الف جنيه
نفس البنك طرح من ايام شهادة باسم SMART، للأفراد، بعائد 30% سنويا، يصرف في نهاية المدة اللي تعتبر من اقصر فترات الشهادات وهي 300 يوم
ودي تقدر تشتريها من خلال الموقع الإلكتروني للبنك من أول 250 ألف جنيه، لاول مرة ومضاعفاتها الف جنيه، احسن ميزة في الشهادة أنها من غير مصاريف إدارية على الكسر المبكر للشهادة أو غرامة وقت الاسترداد.
وطبعا متنساش شهادات البنك الأهلي وبنك مصر اللي طرحها في بداية السنة بعائد 27% سنويا و23.5% شهريا، كمان البنك المصري الخليجي، طرح شهادة ادخار باسم ثروة بلس مدتها 3 سنين بحد أدنى للإصدار 1000 جنيه ومضاعفاته، الشهادة دي بعائد 23%
وعلى فكرة أنت ممكن تقترض بضمانها لحد 90% من قيمتها وتصدر كمان بطاقات ائتمان من خلالها، مش بس كده انت ممكن تسترد قيمة الشهادة بعد مرور 6 شهور أو أكثر من تاريخ الإصدار، كمان بيتحسب العائد من يوم العمل التاني لشراء الشهادة
ده كمان طرح شهاده البريميم بعائد ثابت 19%، اما الحد الأدنى للإصدار 1.000 جنيه ودي متاحه للأفراد بدورية صرف العائد الشهري.
انت كمان بتطلع بطاقة ائتمانيه للسحب على المكشوف أو قرض لحد %95 من قيمه الشهادة. ودلوقتي قولنا إيه أحسن شهادة تشتريها؟
