بألف ونصف ستشتري السيارة التي تحلم بها وبدون مقدم، كل ما عليك هو الذهاب إلى البنك الاهلي وتقدم صورة بطاقتك وسيب الباقي عليه
لا ومش بس كده ده انا هقولك كمان على كام بنك تاني بيقدملك قرض السيارات بتمويل يوصل لحد 100% بس مين البنوك اللي بتقدمه؟ وايه الأوراق والشروط المطلوبة؟ وايه أحسن قرض فيهم؟
من بعد ما اسعار العربيات ارتفعت بشكل مبالغ فيه الفترة الاخيرة، ناس كتير بقت تلجأ لقروض السيارات من البنوك، بس مش بيكونوا عارفين تفاصيل اكتر عن القروض وعن مين البنوك اللي بتقدمها
بس في الفيديو ده هقولك على اكتر من قرض سيارة مميز بتقدمه البنوك في مصر أهمهم قرض البنك الأهلى بضمان تحويل المرتب وإثبات الدخل، وبتمويل يتراوح من 120 ألف لحد مليون جنيه للموظفين بضمان إثبات الدخل، و مليون ونص للموظفين بضمان تحويل المرتب
من اهم مميزات القرض أنه بنسبة تمويل 100% من قيمة العربية يعني مش هتدفع مليم مقدم، بس بيكون بنص القيمة للعربية الصينى، وعلى فترة سداد تتراوح بين سنة و4 سنين، وبمعدلات فايدة 24.5% في حالة السداد على 5 سنين، و24% حالة السداد على أكتر من 5 سنين، وكل بشرط واحد وهو ان دخلك ميقلش عن 1500 جنيه
وعندك كمان قرض المصرف المتحد وده برضو من القروض المميزة لأن حجم التمويل فيه بيوصل ل2 مليون جنيه للموظفين بضمان تحويل المرتب، و مليون نص لباقي العملاء الآخرين
أما معدلات الفائدة للعملاء بضمان تحويل المرتب فبتوصل ل27.5% متناقصة، وبفائدة 23.5% للموظفين بضمان تحويل المرتب في حالة السداد من سنة ل 5 سنين
وعندك بنك مصر اللي بيتيح قرض للسيارات المستعملة للموظفين بضمان تحويل المرتب وإثبات الدخل، بتمويل يتراوح بين 40 ألف لحد مليون جنيه بحد أقصى وبنسبة 90% من قيمة السيارة المستعملة، وعلى فترة سداد بين 12 شهر و 96 شهر
وبمعدلات فايدة 22% متناقصة للموظفين بضمان تحويل المرتب، و23.5% متناقصة للموظفين بضمان إثبات الدخل، وبشرط أن عمرك ميقلش عن 2500 جنيه، ومتقلش مدة مزاولة المهنة 3 شهور وده بالنسبة للموظفين
أما بالنسبة لأصحاب المهن الحرة فالبنك بيمولك لحد 750 ألف جنيه وبنسبة 80% من قيمة العربية، وبمعدلات فائدة 24% متناقصة.
وبمدة سداد بين 12 و72 شهر، لكن لو العربية صيني فمدة السداد هتكون بين سنة و4 سنين، و مدة مزاولة المهنة متقلش عن سنتين
لا ولسه فيه كمان بنك القاهرة اللي بيقدم نفس القرض بتمويل 750 ألف جنيه، وبنسبة 60% من قيمة العربية، من غير اي بضمانات، بس لو هتقدم ضمان فهتكون بنسبة التمويل 90% من قيمة الضمان، وعلى فترة سداد توصل ل84 شهر، وبمعدلات فائدة تتراوح بين 18% و23.75%.
انت كمان ممكن تقدم على نفس القرض من بنك HSBC اللي بيقدملك القرض بضمان تحويل المرتب أو قسط التمويل، وبتمويل يوصل لحد 3 مليون جنيه، وعلى فترة سداد 84 شهر للتمويل ومن غير دفع مقدم للعربية.
بس بشرط أن يكون الحد الأدنى لإجمالى الدخل الشهرى 3 آلاف جنيه، وأن تكون جهة العمل مدرجة في قائمة جهات العمل المعتمدة في البنك
ودلوقتي قولنا إيه أحسن قرض تقدم عليه؟
