كيف تكسب 55 ألف جنيه كل شهر وانت في البيت؟ السر ياسيدي في شهادات الادخار الجديدة،التي أعلنت عنها البنوك الساعات الماضية بأسعار فائدة مرتفعة.
فياتري لو معاك 100 ألف جنيه أو أقل من كده، تقدر تشتري اي شهادة فيهم؟ ومكسبك هيكون كام؟خليك معانا عشان تعرف ايه الشهادة المناسبة ليك.
من ساعة رفع البنك المركزي لأسعار الفايدة بنسبة 2% ، والبنوك بدأت تطرح شهادات ادخار جديدة بفايدة مرتفعة عشان تحافظ على العملا بتوعها.
فلو افترضنا ان معاك 100 ألف جنيه، في 3 شهادات قدامك:
الأولي الشهادة الثلاثية من بنكي مصر والأهلي بفايدة ثابتة 19% سنويا، وفي الحالة دي إجمالي مكسب ال 100 ألف جنيه هيبقى 57 ألف جنيه، وفي السنة الواحدة 19 ألف، يعني في الشهر حوالي 1583 جنيه.
أو الشهادة التانية من بنكي مصر والأهلي برضه، بس بفايدة متناقصة: 22% للسنة الأولى، و18٪ للسنة التانية، و16% للسنة التالتة.
وده معناه ال100 ألف بعد 3 سنين هتجيبلك 56 ألف جنيه متقسمين كالأتي:
22 ألف في السنة الأولى، بعائد شهري 1833 جنيه ، وفي السنة التانية 18 ألف بعائد شهري 1500 جنيه، وفي السنة التالتة 16 ألف جنيه 1333 جنيه.
أما الشهادة التالتة فهي شهادة الخير من البنك الزراعي المصري، بسعر فايدة 19% لو العائد شهري، و19.5% لو العائد نصف سنوي.
يعني ال100 ألف في الشهادة بالعائد الشهري هتكسبك في النهاية 57 ألف جنيه برضه زي شهادات بنكي الأهلي ومصر.
لكن لو اخترت دورية العائد نصف السنوي، مكسبك في ال3 سنين، 58 ألف و500 جنيه، وفي السنة الواحدة 19 ألف و500 ، وكل 6 شهور هتاخد 9 آلاف 750 جنيه
والميزة في ال3 شهادات دول انك تقدر تشتريهم بداية من ألف جنيه ومضاعفاتها.لكن البنوك التانية مممكن تقدم لك عائد أعلى، بس الحد الأدنى لشراء الشهادة هيبقى كبير.
يعني مثلا بنك الcib بيقدم شهادة wealth بفايدة 22% لمدة 3 سنوات، بس مشكلتها الحد الادني المطلوب لشرائها، ده 3 مليون جنيه، فلو معاك المبلغ ده، مكسبك في السنة هيبقى 660 ألف جنيه، وفي الشهر 55 ألف جنيه.
وييجي بعده، شهادة الاوائل في بنك QNB بفايدة
تتراوح بين 19% للعائد الشهري، و19.10% للعائد الربع سنوي ، و19.25% للعائد السنوي، بس الحد الأدنى لشرائها 500 ألف جنيه.
فلو معاك المبلغ، هيبقى مكسبك في السنة الواحدة 96 ألف و250 جنيه لو العائد سنوي، أو 95 ألف و500 جنيه لو العائد ربع سنوي، أو 95 ألف لو العائد شهري.
ودلوقتي بقى بعد ماعرفتوا تفاصيل للشهادات الجديدة: إيه رأيكم في العوائد بتاعتها؟ وإيه الشهادة المناسبة ليكم. شاركونا في التعليقات.
