‘ن كنت من المغتربين عن الوطن وتحلم بعمل بيت داخل وطنك مصر، أو كنت تريد شراء بيت أو أرض كنوع من الاستثمار للأموال داخل مصر، فإن مشروع بيت الوطن هو أحل المشروعات الجيدة للمصريين في الخارج، حيث تستعد الحكومة في الوقت الحالي لطرح مرحلة جديدة منه وهو ما سنكشف تفاصيله من خلال التقرير التالي:
ضمن ممميزات الحكومة للمصريين المقيمين في الخارج، وزارة الإسكان بتستعد لطرح قطع اراضى متميزة وشقق وفيلات ضمن برنامج بيت الوطن، قريب جدا..
وكان مجلس الوزراء وافق على طرح أراضٍ للمغتربين في “بيت الوطن” بالدولار، لاستيعاب طلبات الحاجزين في المشروع، والاستفادة بأكبر قدر من التحويلات الواردة بالعملة الأجنبية.
وغالبا الطرح الفعلي هيكون خلال شهرين، من خلال 3 آلاف قطعة أرض بمساحات تترواح بين 400 حتى 1500 متر، وأسعار تبدأ من 190 دولار حتى 600 دولار، حسب مكان القطعة في كل مدينة.
والأراضي في الطرح الجديد هتكون متاحة في عدد كبير من المدن زي القاهرة الجديدة، والعاشر من رمضان، ومدينة الشروق، ومدينة 6 أكتوبر ومدينة الشيخ زايد، ودمياط الجديدة، ومدينة العبور.
كمان في طرح لمجموعة من الفيلات في مدن العاصمة الإدارية والمنصورة الجديدة، ووحدات سكنية متميزة ضمن مشروع جنة في مدن الشيخ زايد وأكتوبر والقاهرة الجديدة والمنصورة الجديدة والشروق.
وحاليا بتجهز الحكومة لعملية طرح الأراضي من خلال الموقع الإلكتروني المخصص للحجز، وفي العادة شراء الأراضي بيكون بأسبقية الحجز وتحويل كل المقدم.
وبيتم الحجز والسداد عن طريق تحويل بنكي من الخارج بالدولار أو من الداخل، بس بشرط توافر العملة بالحسابات البنكية قبل بدء الحجز بـ60 يوم.
وبيتم طرح الوحدات بالجنيه المصري في البداية، وبعدين بيتم السداد بمتوسط سعر الدولار خلال فترة أسبوعين قبل الطرح.
كمان سداد كل الأقساط بيكون بالدولار، من خلال تقييم البنك المركزي لسعر الصرف وقتها
وبتشترط الحكومة سداد نسبة 25% من قيمة الأرض كمقدم حجز ويكون المبلغ محول بالكامل من الخارج،بأما اقي قيمة الأرض فبيتسد على 5 أقساط سنوية بالفوائد البنكية.
ولو دفعت مبلغ الأرض بالكامل بعد التخصيص، بتاخد خصم نسبة 7.5% من قيمة الأرض، أما لو اخترت نظام التقسيط، فاستحقاق القسط الأول بيكون خلال شهر من تاريخ استلام الأرض.
كمان خلي بالك لو هتقدم على أرض في شروط، فمثلا نسبة البناء مينفعش تعدي 50% من المساحة الكلية للأرض.
كمان أقصى ارتفاع للمبنى 3 أدوار مع البدروم والدور الأرضي، وفترة السماح لاستخراج الرخصة وإنهاء البناء 5 سنوات.
وعدد الوحدات المسموح بيه في الدور الواحد هيكون شقتين، لأرض بمساحة تقل عن 950م2، و3 شقق لأرض بمساحة تزيد عن 950م2.
انتوا بقي تفتكروا إيه رأيكم في مشروع بيت الوطن؟ وإيه رايكم عموما في المميزات اللي بتديها الحكومة ليهم، وهل تزود السيولة الدولارية في البلد فعلا؟
