بعد أزمة الاقتصاد التي نمر بيها، باعتقادكم ماذا يمكن أن يحدث في 2023؟ هل ستمنع الدولة اللحوم تمام، وهل سيتخلى رئيس فرنسا عن منصيه، كل هذه توقعات من ساكسو بنك وقال أيضا أننا سنمر بفترة اقتصادية أسوأ مما نمر بها، ولكن هل ستتحقق؟
من دول بتعاني من التضخم، وزيادة سعر الدولار والدهب، وسعر السلع وغيرهم، ساكسو بنك حط شوية توقعات للي هيحصل الايام الجاية في 2023.
وبنك كبير زيه هو مبيتوقعش احداث من فراغ، لكن بناءً على الاحداث اللي حوالينا، واول حاجة بدأ بيها، ان الايام اللي كانت فيها سعر الفايدة منخفض، كانت ممكن توصلنا للعالم المثالي اللي بنحلم بيه، مبني على الطاقة المتجددة والمساواة، وتكون البنوك المركزية مستقلة.
لكن في سنة 2023 اللي هيحصل عكس كدا تماما، واقتصادات العالم هتتحول لاقتصاد نزاع وأسوأ، وده مش بس اللي توقعه البنك، لكن كان في توقعات تانية بتخص دول معينة، اللي اعتبرها اغلب الناس انها توقعات “مجنونة”، واولها، ان الجمود السياسي اللي في فرنسا، هيجبر الرئيس الفرنسي إيمانويل ماكرون، انه يتخلى عن السياسة ويستقيل عن منصبه، وده بعد ما حس انه محاصر بسبب صعود ماري لوبان بعد انتخابات 2022.
وإن بما إن العالم دلوقتي محتاج كمية كبيرة من الطاقة، ده هيخلي اغنياء العالم يتعاونوا، ويقدموا اكبر مشروع بحث وتطوير، مشافهوش العالم قبل كدا، زي مشروع “مانهاتن” الولايات المتحدة أول قنبلة ذرية، اللي اتأسس بحوالي تريليون دولار.
التوقع بقى اللي اغلب البنوك الاستثمارية العالمية توقعته ان سعر الذهب هيوصل لـ 3000 دولار، بعد ما خلاص البنوك المركزية والاسواق، اتأكدوا ان مفيش حاجة اسمها تضخم مؤقت، وان خلاص الاسعار هتبقى أعلى من دلوقتي ولفترة أطول.
وبعد ما بدأ الجيش الامريكي يتخلى عن دوره كحامي عالمي، الاتحاد الاوروبي هيوافق على انه يأسس قوات مسلحة خاصة به، عشان تدافع عن اوروبا وتحميه، زي وقت ما حصل بين روسيا واوكورانيا.
والبنك كمان بيتوقع ان في دولة واحدة بس هتفرض ضريبة على اللحوم، وهتمنع الانتاج المحلي نهائي في 2030
وده عشان هي بتحاول تبقى من رواد العالم، وتحقق درجة صفر انبعاثات.
وبخصوص الضغوطات اللي اتعرضتلها بريطانيا، ودخلت المملكة المتحدة في اضطرابات سياسية، اتوقع ان ده هيخليها تعمل استفتاء وتتراجع عن خروج بريطانيا من الاتحاد الأوروبي.
لكن تتخيلوا ان منظمة اوبك والسعودية والصين، يسيبوا صندوق النقد الدولي، ويتفقوا على أصل احتياطي جديد؟
ده توقع ان ده هيحصل بسبب العقوبات اللي اتفرضت على روسيا بسبب ارتفاع الدولار، في دول كتير حول العالم من اللي مش بيعتبروا الولايات المتحدة حليفة، فعشان يحرروا نفسهم منها هيضطروا يسيبوا الصندوق، الغريب بقى ان الصين مش هتحاول تنقذ نفسها من الازمات الصحية اللي بتمر بيها، وده هيزود مستوى الطلب على الموارد في الصين، والاسعار والتضخم هيزيدوا معاه.
بس اليابان هي اللي هتحاول تنقذ العملة، بعد الضغوطات اللي اتعرضتلها في 2022، وهتطلق عملية كبير هتظبط منها نظامها المالي، وهيوصل سعر 2 دولار قدام الين لـ 160 و 170 دولار.
عشان كدا مع الاقتصاد الخطر اللي داخلين عليه، الدول هتركز في مصالحها، وهتقوي جيوشها، وهيحاولوا يسنوا قوانين عشان يتحكموا في الاسعار عشان تحقق اكتفاء ذاتي.
