إفلاس أمريكا! نعم لا تستغرب، فقد تصدر هذا العنوان عناوين الاخبار في الايام الاخيرة حيث ستجد جملة واحدة الكل يكررها أمريكا عاجزة عن سداد ديونها.
فهل هي دي الحقيقة فعلا؟ وأصلا أمريكية مديونة لمين وبكام؟ وإيه مصير الدولار؟ وازاي أزمة الديون في أمريكا هتأثر علينا في مصر؟
أمريكا زيها زي اي دولة في العالم عندها إيرادات ومصروفات ولتغطب العجز بينهم عن طريق الاقتراض، سواء بقى من الأسواق الخارجية، زي دول وحكومات، أو من البنوك والمؤسسات المالية الأمريكية الكبيرة.
وغالبا الاقتراض بيكون عن طريق طرح أذون وسندات خزانة، وبما ان الدولار عن أقوى عملة في العالم، النوع ده من السندات بيكون جاذب لاستثمارات دول وحكومات وصناديق عالمية.
طيب هل ده معناه ان أمريكا بتطرح سندات عمال على بطال؟
الإجابة لا، المفروض في سقف الديون بيحدده الكونجرس الأمريكي وده زي مجلس الشعب عندنا كده، المهم يعني السقف ده آخره 31.4 تريليون دولار
ومن هنا تبدأ المشكلة، لأن ديون أمريكا فعلا وصلت للرقم ده وعشان يسددوا محتاجين يرفعوا سقف الاقتراض، وده اللي خلي وزيرة الخزانة الأمريكية جانيت يلين تطلع تحذر من تخلف أمريكا عن سداد ديونها وازاي ده هيدخل العالم كله في أزمة مالية جديدة.
يلين أكدت ان الفشل في سداد أي مدفوعات هيدخل أمريكا في حالة ركود، وخد عندك بقى تراجع الدولار وتسريح موظفين وإغلاق شركات.
كمان ده هيزود تكلفة الاقتراض على أمريكا، وبما ان كتير من الأمريكان عايشين على القروض يعني ياخد قرض يشتري عربية ، يشتري بيت وهكذا.
فده معناه ان برضه تكلفة القروض على المواطن هتزيد، واصلا جزء كبير من الأزمة سببه تسهيلات الفيدرالي الأمريكي خلال السنوات اللي فاتت في منح القروض بفايدة قليلة لكن دلوقتي مع ارتفاع ارتفاع أسعار الفايدة أصبحت أمريكا في أزمة وتكلفة فوايد الديون معدية 900 مليون دولار في اليوم الواحد.
وده اللي أكدته مجموعك ضغط في أمريكا اسمها بيتر ماركتس، اللي قالت إن حجم سندات الديون الأمريكية اللي في إيد الناس زادت 500%، وزادت ديون الشركات غير المالية 90%، والقروض الاستهلاكية 30%.
واكيد انت دلوقتي بتقول لنفسك واحنا مالنا بيهم، المهم احنا في مصر هيبقى وضعنا إيه؟
صحيح وزيرة الخزانة الأمريكية اتكلمت عن ضعف في مركز الدولار كأهم عملة احتياطية في العالم، بس خد بالك احنا بنتكلم على أكبر اقتصاد في العالم، فلو ده حصل مش بس أمريكا اللي هتضرر، احتمال كبير العالم بما فيهم مصر كله يتشد في أزمة مالية جديدة.
وانت شايف اهو ازاي رفع الفايدة في أمريكا خلال 2022، اضطر البنوك المركزية في العالم كلها انها ترفع الفايدة عشان تنفقذ عملتها.
ودلوقتي الخناقة بين البيت الأبيض برئاسة جون بايدن والكونجرس اللي بيسيطر عليه الحزب الجمهوري المعادي لبايدن.
بايدن بيطالب برفع سقف الديون عشان يطلع من المطب. والجمهوريين عاوزين بيشترطوا تخفيض الإنفاق الحكومي أو فرض ضرايب اكتر عشان يوافقوا.
وخصوصا يعني ان الجمهوريين شايفين ان الحزب الديمقراطي بقياده بايدن خلال السنتين اللي فاتوا اقترض فلوس كتيره جدا
وحسب آخر البيانات معظم الديون الأمريكية مملوكة للأفراد، وده انتم حوالي 24 تريليون دولار، اما ديون الحكومات الأجنبية فقيمتها 7 تريليونات دولار.
انتوا بقي تتوقعوا مين هيكسب الجولة دي لصالحه؟ وهل الازمه اللي في امريكا دي هتحجم الدولار وتكون في صالح الجنيه؟
