![شهادة جديدة بالدولار من البنك الأهلي](https://www.l2tat.com/wp-content/uploads/2023/06/%D8%B4%D9%87%D8%A7%D8%AF%D8%A9-%D8%AC%D8%AF%D9%8A%D8%AF%D8%A9-%D8%A8%D8%A7%D9%84%D8%AF%D9%88%D9%84%D8%A7%D8%B1-%D9%85%D9%86-%D8%A7%D9%84%D8%A8%D9%86%D9%83-%D8%A7%D9%84%D8%A3%D9%87%D9%84%D9%8A.jpg)
شهادة جديدة من البنك الأهلي لكن هذه المرة الشهادة بالدولار، والعائد عليها مفاجأة: 10% مرة واحدة، وطبعا لا يوجد أي بنك في مصر يمنح هذا العائد على الشهادات الدولارية.
وهنا طبيعي كلنا نسأل:إيه تفاصيل الشهادة الجديدة وهل متاحة لكل المصريين ولا ناس وناس؟ وهل فعلا خد قرار رسمي بإصدارها؟ تابعنا لمعرفة التفاصيل:
السوق المصرفي بيحاول إنه يجذب عملا ليه الفترة دي, والبنك الأهلي معروف عنه إنه بينزل شهادات ادخار بأعلى فوايد موجودة في السوق وعشان كده اقترحت اللجنة التنفيذية في البنك إنه يتم طرح شهادة جديدة دولارية سماها شهادة النيل ودي بتكون لمدة 3 سنوت والعائد بتاعها بيوصل لـ 10%
و في المقترح اللي نشره موقع أموال الغد كان الهدف الأول من طرح الشهادة دي هو جذب عملاء جدد وزيادة حصة البنك من الأوعية الادخارية بالعملات الأجنبية.
والجميل إنك تقدر تشتري الشهادة دي بداية من 1000 دولار ومضاعفاته، بعائد 9.85% شهري و10% ربع سنوي.
وطبعا ما ينفعش تسترد قيمة الشهادة قبل ما يعدي 6 شهور من أول يوم عمل لتاريخ شراء الشهادة.
وتقدر بعد المدة دي إنك تسترد الشهادة بشرط إنه بيتم إعادة احتساب العائد حسب أسعار الاسترداد واللي متقسمة كالتالي :
أكتر من 6 أشهر ولحد أقل من سنتين: حوالي 7%.
ومن سنتين وحتى أقل من 3 سنوات بتكون 8%.
ولسة الموضوع مخلصش لأن الجديد بقى انك تقدر تسترد كل قيمة الشهادة في أى وقت من عمر الشهادة بعد مرور الـ 6 شهور دول وبدون ماتدفع غرامة استرداد بس بشرط:
تتنازل عن العملة الأجنبية وتاخد قيمة الشهادة بالجنيه المصري بسعر الصرف في تاريخ الاسترداد.طيب ياترى مين من حقه إنه يشتري الشهادة دي؟
حسب المقترح اللي نشره البنك فـ اللي من حقهم يشتروا الشهادة دي هم المصريين المقيمين بالخارج، والأجانب،والمصريين اللي معاهم إقامة بالخارج ومتواجدين بمصر، وكمان المصريين اللي عندهم جنسة تانية يعني مزودجي الجنسية ومتواجدين بمصر.
ولو بتسأل عن الشهادات التانيه الدولارية واللي بيطرحها البنك الأهلي، فعندك شهادة الادخار الذهبية واللي طرحها البنك لمدة 3 سنوات بفايدة تصل لـ5.30% سنويًا، و5.25% نصف سنويًا، و5.20% ربع سنويًا و5.15% شهريًا، وكمان بيوصل الحد الأدنى للشهادة الدولارية لـ500 دولار أمريكي أو مضاعفاتها.
والجميل إنك ممكن تقترض بضمان الشهادة دي من أي فرع للبنك الأهلي، عندك كمان شهادة أهل مصر الدولارية في البنك الأهلي ، ودي بيطرحها البنك لـ أجل 5 سنوات وبيوصل سعر الفائدة عليها لـ5.15% سنويًا، و5.10% نصف سنويًا، و5.05% ربع سنويًا و5% شهريًا، وتقدر تستثمر في الشهادة دي بحد أدنى 500 دولار أمريكي ومضاعفاتها
والمفاجأة إنك تقدر تشتريها بـ أجل 7 سنين بداية من 1000 دولار أمريكي أو مضاعفاتها بعوائد توصل لـ 5.05% سنويًا، و5% نصف سنويًا، و4.95% ربع سنويًا 4.90% شهريًا.
ولو بتدور على حاجة سعرها حنين ليك فـ عندك الشهادة الدولارية من بنك مصر، واللي بتكون لأجل 3 سنوات وبيتراوح سعر الفائدة السنوية بين 5.15% سنويا وهنا دورية صرف العائد بتكون شهرية، و5.20% وهنا بتكون دورية الصرف ربع السنوية، و5.25% لدورية صرف العائد النص السنوية، و5.30% وهنا دورية صرف العائد بتكون سنوية .
والمفاجأة إنه بيبدأ شراء الشهادة من أول 100 دولار وده يعتبر أقل حد أدنى لشراء الشهادات الدولارية على مستوى البنوك الكبرى.
ودلوقتي بقى قولنا لو إيه رأيك في تفاصيل الشهادة الدولارية الجديدة من البنك الأهلي، وهل تتوقعوا البنك يوافق عليها فعلا ويتم إصدارها؟