قلقان من ارتفاع الأسعار ومعاك أموال تريد أن تستثمرها بطريقة آمنة وتحافظ عليهم من خطر التضخم.سوف نكشف لك من خلال هذا التقرير طريقة تساعدك في أن تكسب 3 آلاف جنيه في الشهر بدون أن تبذل أي جهد.
في البداية لازم تعرف إن التضخم زاد والمعدل السنوي للتضخم الأساسي، حسب أخر تقرير أعلن عنه البنك المركزي، سجل 31.2% في يناير 2023، وده يعتبر أعلى مستوى ليه في 6 سنوات تقريبا، وده بعد ما كان سجل 7.2% بس في فبراير 2022.
وعشان كدة أنسب حل إنك تستثمر فلوسك في وعاء ادخاري يحميها من خطر التضخم.والمفاجأة إن البنك الأهلي المصري بيقدم للمصريين باقة متنوعة من الأوعية الادخارية اللي من خلالها هيقدر المواطن أنه يحقق دخل شهري كبير.
وده لأنه أعلن الفترة الأخيرة عن أسعار فائدة جديدة على المنتجات البنكية، وده بعد ما أخد قرار ولغى التعامل بشهادة الادخار اللي بتقدم عائد مرتفع 25% و 22.5%، وده اللي خلى المواطنين يبدأو يدوروا على أوعية ادخارية جديدة تحافظ ليهم على فلوسهم وتديهم فايدة عالية.
وطبعا بعد ما البنك الأهلي وبنك مصر قرروا يوقفوا شهادة الـ25%، الناس فكرت إن كدة خلاص مش هيقدروا يستثمروا فلوسهم في البنوك خاصة إن معظم البنوك اللي طرحت شهادات الفترة اللي فاتت وقفتها بعد القرار ده بأيام.
لكن دلوقتي تقدر تستثمر فلوسك في الشهادة البلاتينية 3 سنوات بعائد 16% واللي هتديلك دخل شهري يوصل لـ 3000 جنيه شهريًا
طيب ايه هي مميزات الشهادة البلاتينية 3 سنوات دي ؟
بص ياسيدي في مميزات كتير أوي هتديهالك الشهادة البلاتينية الـ 3 سنوات بعائد 16%وطبعا أهمها إن مدة الشهادة مستمر معاك لـ 3 سنين.وده هيحميك من أي خطر على العملة أو ارتفاع في معدلات التضخم.
الجميل بقى إن الحد الأدنى لشراء الشهادة دي هو 1000 جنيه بس ومضاعفاتها.وبكدة شريحة كبيرة من المواطنين هيقدروا يشتروها وده اللي بيستهدفه البنك الأهلى وهو خدمة أكبر عدد من المصريين.
أما العائد على الشهادة فمختلف وتقدر تختار اللي يناسبك منه عند عائد 16% شهري، 16.25% ربع سنوي، 16.50% نصف سنوي، 17.25% سنوي.
و نوع العائد ثابت طوال مدة الشهادة يعني ولا هيهمك فايدة المركزي تزيد أو تقل البنك الفدرالي هيعمل إيه بكرة؟، انت كدة كدة العائد بتاعك ثابت وواخد الأمان.
كمان العائد بيبدأ البنك يحسبهولك من تاني يوم ما تشتري الشهادة البلاتينية.الجميل بقا إنك لو اتزنقت في قرشين هتقدر تاخد قرض بضمان الشهادة. كمان ممكن البنك يعملك كل أنواع بطاقات الائتمان بأنواعها بضمان الشهادة.
طيب إزاي هتكسب 3000 جنيه في الشهر؟هقولك ياسيدي لما تحسب العائد الشهري من الشهادة البلاتينية 3 سنوات، في حالة إنك استثمرت مبلغ 225 ألف جنيه على نسبة الفائدة 16% هيكون قدامك فرصة كويسة جدا وهي إنك تحقق دخل قيمته 3000 جنيه كل شهر.
بس الأكيد إنك لازم تخلي بالك إن في اجتماع مصيري ومهم للبنك المركزي يوم 30 من شهر مارس الجاي واللي هيتحدد على أساسه سعر الفايدة وطبعا بعد الاجتماع ده بيكون في تأثير على الأسعار وعلى الدهب أولًأ.
وعشان كده يفضل إن أي حد حابب يشتري شهادات او يستثمر في أي وعاء ادخاري من البنوك إنه يشتري قبل المعاد ده وده لأن أسعار الفايدة ممكن تزيد من البنك المركزي .
قولنا رأيك في الشهادة البلاتينية من البنك الأهلي وهل ممكن تستثمر فيها فلوسك؟
