مازال سباق البنوك مشتعل وكل من يشتري شهادات الادخار لديه فرصة يختار الشهادة الجديدة من البنك المصري الخليجي، والتي ستعطيك أعلى العائد فياتري ما تفاصيل الشهادة؟ وما هي شروط التقديم عليها؟
شهادة جديدة من البنك المصري الخليكي لأجل 3 سنوات، والمفاجأة إنها بتقدم عائد ثابت على الجنيه بسعر فايدة 19*% تصرفه سنويا ويصرف العائد شهريا
وطبعا البنك المصري الخليكي مش أول بنك يطرح شهادات ادخار الفترة دي وده لأن حوالي 11 بنك طرحوا شهادات جديدة بأسعار عائد مرتفع خلال اسبوعين بس.
ولو بتسأل عن أسباب إعلان البنوك عن طرح شهادات مرتفعة العائد، فده بدأ يحصل بعد ما قرار البنك المركزي برفع سعر الفائدة 2% في آخر اجتماع ليه في مارس اللي فات عشان يسجل سعر العائد لديه 18.25% للإيداع، و19.25% للإقراض.
والجميل بقا إن الشهادة الجديدة اللي طرحها “إي جي بنك EGBank” واللي اطلق عليها اسم (البريميم) يبدأ بيعها من أول ألف جنيه كحد أدنى ومضاعفاته،مش بس كده ده كمان هيقدر العميل إنه ياخد قرض بضمانها بنسبة توصل لـ 95% من إجمالي قيمتها
ولو اتزنقت فيوم واحتاجت فلوس الشهادة فلازم تعرف إن البنك بيسمح للعملا بكسر كلي أو جزئي للشهادة بعد مرور 6 شهور على شرائها.
لكن خلي بالك لأنه بيكون مقابل خصم عمولة من إجمالي العائد المستحق على الشهادة اللي بيكون مختلف من سنة للتانية.
والبنك أعلنت إنه بيخصم عمولة 14% من إجمالي العائد المقرر على الشهادة في حالة إنك قررت تاخد فلوسك في السنة الأولي.
أما بقا لو قررت تسحب فلوسك في السنة التانيه فبيخصم عمولة 13% ، والتالته 12%.ولو انتوا فاكرين ف البنك المري الخليكي كان أعلن شهر مارس عن شهادة بعائد متدرج
لكن على موقع البنك الرسمي عمل حجب للتقديم على الشهادة دي وده معناه إنه التقديم انتهى ومبقتش متوفرة خلاص
والشهادة دي كانت بعائد ثابت20% خلال السنة الأولى بشرط إنه كان مرتبط سعر العائد بـ أسعار الإيداع اللي بيعلن عنها في البنك المركزي في السنة الثانية والثالثة، يعني كان العائد بينخفض ويزيد حسب قرار اجتماع لجنة السياسة النقدية بحسم سعر الفائدة.
ونوع الشهادات اللي زي دي بتكون مناسبة لعملا كتير وبيحسوا بأمان في شراءها خاصة مع التغيرات اللي بتعلن عنها لجنة السياسات النقدية في البنك المركزي واللي بتحدد في اجتماعاتها أسعار الفايدة.
وطبعا الفترة دي البنك الاهلي وبنك مصر نزلوا شهادات جديدة، الشهادة الأولى مدتها 3 سنين بفايدة ثابتة 19% سنويا والعائد شهري، بحد أدنى للشراء ألف جنيه ومضاعفاتها.
والشهادة التانية ثلاثية برضه، بس بفايدة متناقصة، يعني العائد في السنة الاولى 22%، والسنة التانبة 18%، والسنة التالتة والاخيرة 16%.
والعائد برضه شهري بس بيتحسب على اساس الفايدة المعلنة في كل سنة.
والأكيد إن سباق الشهادات بين البنوك منتهاش وده لأننا يوميا تقريبا بنسمع عن شهادات ادخار جديدة.
انتوا بقي رايكم إيه في الشهادة الجديدة من البنك المصري الخليجي، ولو معاكم مبلغ على جمب هتفضلوا تستثمروه في الشهادة دي ولا هتختاروا شهادات بنكي الأهلي ومصر؟
