خبر حلو وكله خير للمصريين، وتحديدا 22 مليون مواطن معاشهم سيزيد الساعات القادمة، وسوف يحصلوا على دعم يصل إلى 625 جنيه شهريا ولكن وفقا اشروط معينة.لكي تعرف الشروط،تابعنا لمعرفة التفاصيل:
سبق وأعلن الرئيس السيسي عن مجموعة قرارت لتحسين معيشة المصريين ، ومن ضمنها زيادة 25% لأصحاب معاش تكافل وكرامة، وعددهم 5.2 مليون أسرة يعني حوالي 22 مليون مصري، حسب وزارة التضامن الاجتماعي
ودلوقتي وزارة التضامن الاجتماعي بتستعد عشان تبدأ تصرف دعم تكافل وكرامة مع الزيادة الجديدة للمستحقين بداية من 15 أبريل، وبكده يكونوا أول ناس هيقبضوا الزيادات الجديدة فياتري هياخدوا كام؟
بص ياسيدي الأسرة اللي كانت بتاخد 500 جنيه، هتقبض دلوقتي 625 جنيه، والمسنين وذوي الهمم اللي كانوا بيقبضوا 450 جنيه، دلوقتي معاشهم بقى 562.5 جنيه، واخيرا معاش الايتام هيزيد من 350 جنيه إلى 437.5 جنيه.
وده عكس الإشاعات اللي طلعت من فترة عن تخفيض معاشات تكافل وكرامة بسبب الظروف الاقتصادية، لكن مجلس الوزرا نفى الكلام ده، وكشف ان تكلفة معاسبت تكافل وكرامة 28 مليار جنيه، منهم 25 مليار من الموازنة العامة للدولة، و3 مليار من التحالف الوطني للعمل الأهلي التنموى.
والصرف بيكون عن طريق كارت ميزة لسحب الفلوس من ماكينات البريد أو البنوك.وكمان بيوفر الكارت خاصية إجراء الدفع الإلكتروني وجميع المعاملات الحكومية والمشتريات من خلال قيمة الدعم الموجودة.
ودلوقتي في سؤال مهم، إيه شروط الحصول على معاش تكافل وكرامة؟
اولا ميكونش المستفيد شغال في الحكومة أو القطاع العام أو القطاع الخاص بأجر تأمينى أكتر من 400 جنيه، أو بياخد معاش تأميني أو مساعدة ضمانية، والشرط ده بينطبق على الزوج أو الزوجة أو المسن أو العاجز.
وثانيا: الأسرة يكون عندها أبناء من حديثي الولادة حتى سن 18 سنة، ولازم الأبناء من سن 6 سنوات ل18 سنة يكونوا مسجلين في مراحل التعليم المختلفة.
وثالثا، يكون المستفيد من الأيتام مسؤول من أقارب الدرجة التانية أو أبعد من كده.
ورابعا، يكون الأفراد المتقدمين لبرنامج كرامة من المسنين بعمر يبدأ من 65 سنة أو من أصحاب عجز أو مشكلة مزمنة تمنعهم من العمل ويتم إثبات ده بالفحص الطبي.
وأخيرا بقى، تقديم المستندات اللي بتأكد احتياج الشخص أو أسرته للمعاش زي صور بطاقات رقم قومي سارية وصور شهادات ميلاد الأبناء وصور وثائق الزواج أو الطلاق أو الوفاة أو الهجر، وصور إيصالات استهلاك كهرباء.
وكمان وشهادة قومسيون طبي رسمية لذوي الهمم تبين درجة إعاقة تبدأ من درجة 50، وصورة شهادة وفاة الزوج أو الزوجة للأرامل، وصورة إقرار الوصاية للأيتام، وصورة شهادة السجن لحالات سجن الأب أو الأم.
وتقديم الاوراق بيكون في مكتب الوحدة الاجتماعية اللي محل سكنك تابع ليها، فقولنا بقى على سبق وخاولت تقدم على معلش تكافل وكرامة بس الموضوع وقف؟
