فرصة على طبق من ذهب لنادي الزمالك ، وقبل ما تستعجل وتقول ما الذي يجعلنا نتحدث في هذه النقطة وعن ماذا نتحدث ، فنحن سنتحدث عن ما سيحدث من وراء الكرة.عن المال لأن هذه المرة الزمالك سيكون قادم على يد ملياردير إماراتي بعد أنباء عن خطته لشراء نادي الزمالك.
وخصوصا بقى اننا بنتكلم عن خلف الحبتور، الملياردير الاماراتي اللي سبق وطلع بمفاجاه وقال انه هيغير شكل البلد لو نفذ مشرع معين في دماغه.
فتعالوا نشوف ايه الحقيقه؟ ومستثمر تقيل زي الحبتور ناوي على إيه في مصر؟ ولما قعد مع السيسي قاله إيه؟
ما فيش حد في مصر ما يعرفش المشاكل الماليه اللي في نادي الزمالك، وحتى ياسيدي لو مفيش مشاكل: البحر يحب الزيادة، وأي نادي بيدور على المستثمر اللي يفتح خزنته للإدارة عشان تشتري اللعيبة اللي بتكلف ملايين الدولارات.
وهنا بقى يبدأ الكلام اللي كله فلوس في فلوس، لأن خلال الساعات الأخيرة، نشرت مواقع رياضية اخبار عن رغبة مستثمر خليجي في شراء نادي الزمالك.
والمصادر بتقول ان المستثمر ده هو الملياردير الإماراتي خلف الحبتور، اللي اتقدم فعلا بطلب رسمي للشراء، ولو خد الموافقة الزمالك هيبقى ملكية خاصة مثل مانشيستر سيتي وباريس سان جيرمان وبيراميدز في مصر، وده نقلا عن موقع فوتبول الرياضي
وفي المقابل، رجل الأعمال خلف الحبتور هيبني مدينة رياضية كبيرة وستاد عالمي لنادي الزمالك، وهيشتري صفقات قوية عشان يقدر الفريق الأبيض ينافس في كل البطولات المحلية والعالمية.
ولغاية دلوقتي مفيش تأكيد رسمي من الملياردير الاماراتي بس لو خدت لفة في صفحته على فيسبوك هتلاقيه لَمِّسْ قبل كده مع الاندية المصريه الكبيرة وعرض فكره تحويلها لشركات مساهمه عامه وتَسائل هل ده ممكن يدور من ادائها ولا لأ؟
وده معناه ان الحبتور متابع كويس للاندية المصرية، وعلى الأقل عنده افكار مبدئية للرياضة في مصر..
اما بقى لو بتسأل مين هو خلف الحبتور اللي ممكن يحط فلوسه جوه نادي الزمالك، خليني اقول لك انه من حيتان العقارات جوة وبره الإمارات..
وفي حوار سابق ليه مع احمد موسى كشف عن فكرة مشروع ضخم في صالح سالم لو اتنفذ هيحوله لجنة على الأرض، وبإيرادته مصر مش هتحتاج قروض وهتسدد اللي عليها كمان.
وعلى فكرة من كام سنة أعلن رغبته عن انشاء مجمع جوة مصر، زي الحبتور سيتي كده عشان يضم فنادق وابراج سكنية وتجارية وملاعب، وده باستثمارات 8.5 مليار دولار..
وعشان تبقى عارف، الحبتور قال إنه قعد مع مسؤلين كبار، عشان يعرض أفكاره عن الاستثمار في مصر، لكن لغاية وقت الحوار ما كانش في جديد وقال ان ممكن الحكومة في مصر ليها منظور تاني في ترتيب الأولويات.
ده كمان قابل رئيس السيسي وقعد معاه وقال ان الجلسه كانت طيبه جدا لكن الرئيس عنده ألف مليون ضغط وشغل ومش طبيعي ان كل ماتحصل حاجة نبلغه بيها.
والحبتور حاليا رئيس مجموعة اقتصادية ضخمة شغالة في العقارات والضيافة والسيارات والعقارات والتعليم.
والمجموعة عندها 14 فندق في عدة دول، 7 منها في دولة الإمارات و7 في الخارج في دول النمسا والمملكة المتحدة ولبنان والولايات المتحدة والمجر.
وحاليا شغالين في الحبتور سيتي، اللي هيضم أطول مبني سكني العالم كله، وأيوة ياسيدي هو ده البرج اللي انتشر ليه فيديو من فتره وظاهر حواليه حيتان طايره في السماء في أسلوب دعاية جديد قلب الوطن العربي كله.
فقوللنا بقى هل تتوقع إن عرض شراء الحبتور لنادي الزمالك يكون خبر حقيقي، وتكون بداية دخوله في استثمارات تقيلة جوة مصر؟
