مفيش سلعة تقريبا في الشهور الماضية إلا وارتفع سعرها :لبن، بيض، أرز، مكرونة، لحمة، وحتى الفينو وهذا يجعلنا نتسائل كيف يمكن أن نتصرف لكي تمر تلك المرحلة بسلاموبأقل الخسائر؟ وغن كان لديك أموال تريد ان تستثمرها فماذا تفعل؟ كل هذه التساؤلات سنجيب عنها من خلال التقرير التالي:
ودا يخلينا نسأل نعمل ايه ونتصرف ازاي عشان نعدي من موجة الغلاء دي باقل الخساير، ولو وربنا كرمك بقرشين بتحوش فيهم بقالك فترة تعمل فيهم ايه؟
من بداية الأزمة بين روسيا وأوكرانيا واحنا دخلنا في دوامة قلبت علينا كل المشاكل القديمة والجديدة ومش عارفين آخرها إيه، وفي وسط كل دا جيوبنا بتحاول تقف في وش ارتفاع الأسعار.
عشان كده، ناس كتير بدأت تتكلم عالسوشيال ميديا وفي منهم اللي قال إنه اضطر يقلل الكميات اللي بيشتريها وبدل ماكان بياكل فراخ مرتين في الأسبوع اكتفي بمرة واحدة، وطبعا اللحمة غابت عن بيوت عدد من الناس، ولو كنت بتشتري 2 كيلو فاكهة خليهم كيلو.
أما الخبرا فشايفين إن ترشيد الاستهلاك هو الحل الأمثل والمرحلة اللي احنا بنعيشها دلوقتي هي مرحلة الضروريات وبس، يعني مفيش اي داعي نصرف فلوسنا على اي رفاهيات.
وطبعا لو عاوز تشتري جهاز جديد لازم تكون محتاجه ضروري غير كده بلاش، لأن كل جنيه معاك دلوقتي هتحتاجه بعدين.
كمان لو جيت تشتري اي حاجة، اشتري السلعة الموجودة وجاهزة للتسليم الفوري مش لسة هتيحي بعد أسابيع وشهور.
وطبعا السبب في كدا، إن ماحدش ضامن قدرة التجار على توفير السلع والخدمات المطلوبة، وكل شايفين شكاوى التجار والمصانع من نقص الخامات.
واخيرا بقى ماتفكرش تغير شغلك، إلا لو اتأكدت من وجود فرصة افضل في مكان تاني، ولو وقتك وصحتك يسمحوا يبقى الأفضل تشوف عمل إضافي عشان تزود دخلك.
طيب افرض معاك مبلغ وخايف يفضل مركون جنبك تسحب منه لغاية ميخلص، تعمل إيه؟.لو انت من الناس اللي متعودة تحط فلوسها في البنك واتخد مبلغ كل فترة تعيش منه حاول ماتربطش فلوسك في شهادات لفترة طويلة، لأن الأفضل أوعية قصيرة الأجل من 3 إلى 6 شهور بالكتير، حسب رأي الخبير الاقتصادي هاني توفيق مع بداية الأزمة بين روسيا وأوكرانيا.
أما لو ملكش في جو البنوك فالأفضل تشتري بفلوسك دهب وعملات، بس خلي بالك استثمارك في الدهب مايعديش ٢٥٪ من فائض سيولتك.
ولو بتفكر تحط فلوسك في شقة يبقى لازم متشطبة أو شبه جاهزة للسكن عشان ماتلاقيش نفسك مضطر تشطبها وأسعار الخامات بتزيد كل يوم عن اللي قبله.
كمان اشتري شقة تعرف تبيعها بعدين، لأن سوق العقارات دلوقتي في مصر المعروض فيه كتير ومع تسهيلات دفع بتوصل ل15 سنة، عشان كده صعب تلاقي نشتري بالسعر اللي عاوزه.
انتوا بقي قوللنا بتواجهوا ارتفاع الأسعار ازاي؟ وهل في اي سلعة اضطريتوا تقللوا كمياتها؟ وازاي العلاوة استثنائية من الحكومة هتسند المرتب؟ وهل رفع الحد الأدنى للأجور هيقلل الضغوط علينا؟
