ماذا يحدث في تجارة السيارات وما سر الاترفاع الجنوني في الأسعار؟ ولماذا يسعر التجار الدولار بقيمة أعلى بكثير من قيمته الحقيقية؟ تابعونا سنكشف أسرار صادمة:
الفترة اللي فاتت أسعار العربيات ولعت وكل يوم كان في زيادة جديدة، وده طبعًا مكنش مفهوم سببه بس كل اللي التجار كانوا بيقولوا إن سعر الدولار مرتفع وعشان كده الأسعار زادت
لكن المفاجأة إن تجار السيارات ببيسعروا العربيات بـ أعلى من تمنها الحقيقي وده لأنهم بيتعاملوا على أساس سعر الدولار بـ 55 جنيه.
وده الكلام اللي قاله محمود خيري خبير السيارات في مداخلة هاتفية مع الإعلامي عمرو أديب في برنامج الحكاية
وقال إن كان في عربية ألمانية تمنها 620 ألف جنيه النهاردة تمنها 2 مليون و350 ألف، والغريبة إن تجار الدهب مثلا استسلموا لتسعير الذهب الواقعي والعالمي، بعد قرارات الحكومة الأخيرة
لكن تجار السيارات لسه بيتعاملوا على أساس سعر الدولار 55 جنيه، وعشان كده سأل وقال إمتى هنشوف السعر ده ينزل، وطبعا عمرو أديب إندهش جدًا من الكلام ده وخاصة تسعير التجار لـ الدولار على 50 و 55 جنيه وقال: «إيه ده؟!».
لكن خبير السيارات شرح وقال إنه كان في عربية تمنها 620 ألف وقت ما كانت الدولار سعره 15.70 جنيه، وسعرها دلوقتي 2 مليون و350 ألف، وبردو عربية الـ فيات تيبو كان سعرها 260 ألف جنيه سعرها دلوقي بـ مليون و30 ألف.
وده اللي خلى محمود خيري، خبير السيارات يطالب التجار في مصر إنهم يبصوا لـ المصلحة العامة للمواطنين مع الحفاظ على المصلحة الخاصة، وده لأنهم بـ يخوفوا المواطنين وبيقولوا ليهم إن الأسعار هتزيد وده بيسبب حالة من القلق داخل الأسواق.
وقال «خيري»، إن سبب عدم تراجع أسعار السيارات في السوق المصرية رغم انخفاض سعر الدولار، راجع للتجار اللي بيتحكموا في أسواق السيارات وده لأنهم بيعتقدوا إن العربيات وعاء ادخاري
وده لأن التاجر بيفكر غلط وبيعتقد إنه بـ يحفظ فلوسه من خلال السيارة وعشان كدة بيسعروها بأعلى سعر.
ومن كام يوم كده أطلقت رابطة تجار السيارات في مصر برئاسة المستشار أسامة أبو المجد، حملة لمقاطعة استيراد التجار والمستوردين والوكلاء وموزعي السيارات لمدة شهر لدعم الجنيه المصري وده تحت شعار (ادعم الجنيه عملة بلدك).
وطالبت في بيان ليها التوقف عن شراء الدولار تماما، وكمان عدم التعامل مع السوق السوداء واللي اتسببت في دمار اقتصادنا.
وقال المستشار أسامة أبو المجد، إننا لازم منساهمش في خلق حالة من الطلب على الدولار، وإن التجار يوقفوا لمدة شهر استيراد السيارات والتعامل بالنقد الأجنبى من الفترة 15-5-2023 حتى 15-6-20223 وده لحد ما تستقر اوضاع البلاد,
وده لأنه كان شايف إن تجار السيارات عليهم دور مهم مسؤول عنه تجار السيارات والوكلاء وده اللي هيحافظ على قيمة الجنيه، وهتساعد على امتصاص الأزمة الحالية الخاصة بارتفاع أسعار السيارات بشكل خلى العملاء تتوقف على الشراء.
قولنا رأيك في اللي بيحصل في سوق السيارات وهل الأسعار دي منطقية؟
