لو انتوا قلقانين على اقتصاد مصر وتفكروا يا ترى وضعنا كيف سيكون في المستقبل؟ وياترى كيف سيكون مستقبل الجنيه؟ تابعنا من خلال هذا التقرير سنكشف مفاجأة كشفتها مؤسسة دولية أكدت إن مصر هتكون ضمن سابع أكبر اقتصاد عالمي في هذا الموعد.
بنك الاستثمار الأمريكي جولدمان ساكس توقع في تقرير حديث ليه نشره موقع العربية نت إن خريطة اقتصادات العالم كلها هتتغير
و ده معناه إنه هيكون في تغيير كبير في أكبر الاقتصادات العالمية وكمان القايمة اللي كنا متعودين عليها هيتعاد ترتيبها من جديد
والتقرير توقع إن الصين في طريقها عشان تكون أكبر اقتصاد عالمي قبل سنة 2075، وده لأنه متوقع إن الناتج المحلي الإجمالي ليها يوصل لـ 57 تريليون دولار
ما مصير مصر ؟
من الناحية دي متقلقوش خالص وده لأن التقرير شايف إن الاقتصاد المصري هيكون في المرتبة السابعة عالميا، وده معناه إنه هيكون متقدم عن كل اقتصادات أوروبا، بناتج محلي هيعدي الـ10 تليون دولار.
وده مش كلامنا ده كلام بنك جولدمان ساكس وده واحد من أكبر البنوك الامريكية، مش بس كده ده قالك كمان إن الهند هتتفوق على الولايات المتحدة وهتبقى تاني أكبر اقتصاد عالمي مع ناتج محلي إجمالي 52.5 تريليون دولار.
والمفاجأة إن الولايات المتحدة هتكون في المرتبة التالتة بناتج إجمالي 51.5 ترليون دولار؟
وتخيلوا بقى إن ألمانيا واللي تعتبر صاحبة أكبر اقتصاد دلوقتي في أوروبا هتكون في التوقيت ده في المركز التاسع عالمياً خلف البرازيل. طيب إحنا إزاي هنوصل للمرتبة دي عالميًا وهنافس دول أوروبا.
هقولك ياسيدي التقرير ده كشف عن طفرات كبيرة هتحصل في معدلات النمو لاقتصادات الدول، وعشان كده توقع التقرير إن الاقتصاد المصري يوصل لـ المرتبة الـ 12 عالمياً بحلول عام 2050 مع ناتج محلي إجمالي هيقرب من 3.5 تريليون دولار
وده معناه إن الناتج المحلي بتاعنا هيعادل تلت حجم اقتصاد منطقة اليورو واللي هيوصل لـ (30.3 تريليون دولار) بحلول سنة 2075.
ولو انتوا فاكرين في شهر مايو اللي فات وكالة “فيتش للتصنيف الائتماني” طلعت وقالت إنها بتتوقع في تقرير ليا عن الاقتصاد المصري أنه يتضاعف حجمه لـ 16 تريليون جنيه من نحو 8.5 تريليون جنيه وده خلال السنوات الـ 3 الجايين
ولو مش مصدق إن مصر هتكون زي ما بنك جولدمان ساكس متوقع ضمن قايمة أكبر 10 اقتصادات في العالم في سنة 2075
تعالي وانا اقولك إيه هما الـ 10 دول بالترتيب:
عندك الصين رقم واحد بـ ناتج محلي 57 تريليون دولار
والمرتبة التانية هتكون الهند بـ ناتج محلي 52.5 تريليون دولار
أما رقم 3 فهيكون من نصيب الولايات المتحدة بـ ناتج محلي 51.5 تريليون دولار
و4 هيكون لـ دولة إندونيسيا بـ ناتج محلي 13.7 تريليون دولار
وفـ المرتبة الخامسة نيجيريا بـ ناتج محلي 13.1 تريليون دولار
وباكستان فـ المرتبة السادسة بـ ناتج محلي 12.3 تريليون دولار
أما مصر في هتكون فـ المرتبة السابعة بـ ناتج محلي 10.4 تريليون دولار
البرازيل هتاخد رقم 8 فـ الترتيب بـ ناتج محلي 8.7 تريليون دولار
ألمانيا هتكون رقم 9 في القايمة بـ ناتج محلي 8.1 تريليون دولار
المكسيك هتكون رقم 10 في الترتيب بـ ناتج محلي 7.6 تريليون دولار
ودلوقتي قولولنا رأيكم في التقرير ده وهل شايفين إقتصاد مصر قادر يحقق الترتيب ده؟
