هل تتخيلوا أنه من الممكن أن نصيب الفرد من الدعم التمويني يزيد في 2023، وما حكاية الـ1000 جنيه الزيادة الاسثنائية التي ستصرف في شهر رمضان!، وهل هذا الكلام حقيقي،وإذا كان ما هي الشروط اللازمة منأجل صرف هذا الدعم؟ تابعونا لمعرفة التفاصيل من خلال التقرير التالي:
كلام انتشر على مواقع السوشيال ميديا بيقول إنه هيكون في زيادة استثنائية للمواطنين 1000 جنيه في شهر رمضان تتصرف على بطاقات التموين.ياترى الكلام ده حقيقي ولا لأ؟
بص ياسيدي اولا متصدقش أي كلام يتعلن على مواقع السوشيال ميديا ولما تحب تجيب خبر هاته من مصدر موثوق منه لأن معظم الأخبار دي هدفها بيكون إثارة الرأي العام وعمل بلبلة .
ومنهم خبر صرف 1000 جنيه بطاقة التموين في شهر رمضان من وزارة التموين لأصحاب البطاقات عن شهر إبريل الجاي واللي هيكون موافق 10 رمضان.
وده الكلام اللي نفت صحته تماما مصادر جوه وزارة التموين نفسها وأكدت إنه خبر الألف جنيه ده مش صحيح وإن زيادة وزارة التموين اللي بيتم صرفها شهريا هي الدعم الاستثنائي اللي كلمناك عنه دلوقتي واللي تم إقراره بتوجيهات من السيد الرئيس عبد الفتاح السيسي.
أما بقى لو بتسأل عن نصيب الفرد من التموين في 2023 لازم تعرف إن الرئيس أمر بصرف زيادة استثنائية للتموين بقمية 100 جنيه للأسرة الواحدة والزيادة دي هتطبق لحد يونيو الجاي.
طيب مين اللي بياخد الزيادة دي ؟
بص ياسيدي في الأول لازم تعرف إن وزارة التموين والتجارة الداخلية حددت نصيب الفرد في التموين 2023 اللي بـ يتم صرفه في صورة دعم نقدي مشروط يعني مبلغ نقدي تقدر تاخده بشرط إنك تصرفه في صورة سلع وطبعا من منافذ البقالين اللي بتبيع السلع التموينية وبتقدر تجبها من مخازن الجملة التابعة للوزارة.
ونصيب الفرد العادي بتكون 50 جنيه كل شهر لكل فرد مقيد على البطاقة ولحد الفرد الرابع، و25 جنيه بس بداية من الفرد الخامس.
بس كدة ؟ لا ياسيدي ده البطاقة دي تصرفلك 5 أرغفة يوميا يعني حوالي كده 150 رغيف على مدار الشهر للفرد الواحد.
أمال مين اللي بيصرف الزيادة الاستثنائية؟بص ياسيدي الوزارة بتصرف فلوس اضافية تقدر تشتري بيها سلع تموينية للأسر اللي بتستحق الدعم الاستثنائي.
زي أصحاب معاش تكافل وكرامة وأبناء الشهداء واللي معاشهم الحكومي أقل من 2500 جنيه ومرتبهم بحد أقصى 2700 جنيه.كمان أصحاب الأمراض المزمنة، والأرامل والمطلقات وطبعا خلي بالك لأن الفئات دي تم حصرها بالفعل.
و حاليا وزارة التموين بتكمل صرف الدفعة السابعة من زيادة الدعم الاستثنائي ده من خلال منافذ البقالين لحوالي 10 ملايين و100 ألف أسرة مستحقين لزيادة الدعم اللي أقرته الحكومة بعد توجيهات الرئيس عبدالفتاح السيسي بتوفير الحماية الاجتماعية للأسر الأولى بالرعاية.
والدعم ده بيكون 100 جنيه شهريا على بطاقة التموين اللي بـ تضم أسرة واحدة.
و 200 جنيه شهريا على بطاقة التموين اللي بـ تضم أسرتين أو 3.
كمان 300 جنيه شهريا على بطاقة التموين اللي تضم أكتر من 3 أسر.
دلوقتي قولنا رأيك في الدور اللي بتقوم بيه وزارة التموين لدعم المواطنين خاصة بعد غلاء الأسعار؟
