كثير من الكلام تردد خلال الفترة الماضية عن الكتاكيت وارتفاع اسعار الفراخ، وذلك بسبب نقص العلف، وهو ما سبب أزمة كبيرة في الأسواق واستوجب الأمر تدخل عاجل من الحكومة لضبط الأسواق، فماذا فعلت الحكومة وكيف انخفض سعر الكيلو من الدواجن هذا ما نتعرف عليه من خلال التالي:
أسعار الفراخ بمختلف انواعها نزلت بشكل كبير النهاردة الاتنين بحوالي 25 للكيلو في المزرعة و27 للمستهلك، و39 و40 جنيه لكيلو الفراخ البيضاء في بعض المناطق في الأسواق للمستهلكين بعدما وصلت في الأيام اللي فاتت ل 43 و 45 جنيه بسبب أزمة الأعلاف.
التقارير الاعلامية قالت انه في خلال الايام اللي فاتت قام عدد من المربين بالتخلص من الكتاكيت في مزارعهم بطريقة حزينة، اصحاب المزارع حطوهم في مجموعات داخل شكاير بلاستيك وقفلوها علشان يتخنقوا.
وبعد التصرف ده الدولة اضطرت تاخد اجراء بشكل عاجل لحل الأزمة، وكمان علشان تحافظ على صناعة الفراخ في مصر، وده من خلال إعلان التنسيق مع البنك المركزي للإفراج عن الأعلاف في المواني.
التقارير قالت إن الدكتور “مصطفى مدبولي” رئيس مجلس الوزراء بعت رسالة لمسئولي الاتحاد العام لمنتجي الدواجن وصغار المربين قال لهم “إن الحكومة بتشتغل بتوجيهات رئيس الجمهورية الحريصة على دعم كل الصناعات ومنها صناعة الفراخ”، مشيراً إلى أنه تم التنسيق مع البنك المركزي على سرعة الإفراج عن أكبر قدر ممكن من الأعلاف لدعم الصناعة دي.
التقارير قالت كمان إن أسعار الفراخ اسعارها نزلت النهاردة عكس الأسبوع اللي فات اللي وصل فيها سعر الكيلو 35 جنيه في المزرعة، وده كمان هينتج عنه انخفاض أسعار البيض، لأن المواطنين بيسألوا عن السعر يومياً سواء سعر الفراخ أو الكتاكيت وكمان سعر كرتونة البيض، يعني الفراح البيضاء بقى سعرها ما بين 34-35 جنيه للكيلو فى المزرعة و38 و40 جنيه للكيلو للمستهلك حسب المنطقة بتوصل لـ 37 و 36 في بعض المناطق الريفية.
والفراخ البلدى ما بين 51- 52 جنيه للكيلو، اما الفراخ الساسو اللي هي الحمراء فدي سعرها ما بين 47 و 50 جنيه للكيلو، إنما “الأوراك” فالكيلو ما بين 39- 41 جنيه، والبانيه من 90- 95 جنيه للكيلو، والفراخ الرومي من 55 لـ 65 جنيه للكيلو
وبالنسبة لأسعار الأمهات البيضاء فالكيلوا من 24 لـ 25 جنيه في المزرعة و27 لـ 28 جنيه للكيلو للمستهلك، أما أسعار الكتاكيت فالكتكوت الأبيض من 3.25_3.5 جنيه والكتكوت الساسو من 3.25_3.5 جنيه
وبالنسبة لأسعار البيض النهاردة في السوق فحصل عليها انخفاض بعض الشيئ يعني البيض الأحمر بيتراوح ما بين 75-76 جنيه للطبق في المزرعة و80 جنيه لـ 85 للمستهلك حسب المنطقة و72 جنيه في منافذ وزارة الزراعة، ليكون منخفض عن الأسواق بنسبة تتراوح ما بين 20 و25%، ووصل سعر البيض الأبيض 72 جنيه في المزرعة، ومن 77 لـ 80 جنيها للطبق للمستهلك، أما البيض البلدي فبيتراوح ما بين 80 لـ 85 جنيه
اما بخصوص أسعار البط فسعر “البط البلدي” بيتراوح سعر الكيلوا ما بـين 55 لـ 60 جنيه، والمسكوفي ما بين 45 لـ 50 جنيها للكيلو، والفرنساوي ما بين 32لـ 35 جنيها للكيلو ، اوالبط المولر ما بين 35 لـ37 جنيه للكيلو
أخيراً.. موضوع الفراخ ده كان عامل أزمة لأن وزارة الزراعة كانت قالت إن حجم إنتاج الفراخ سنوياً بيوصل لـ 1.4 مليار طائر، وإنتاج البيض بيوصل لحوالي 14 مليار بيضة سنوياً.. محتاجين تعليقاتكم على الفيديو.
