30 ألف جنيه مصري! خدمة يقدمها صندوق تحيا مصر، لكن الكثير من الناس لا يعرفون الكثير عن الأمر، والسؤال هنا من له الحق في الحصول على هذا المبلغ؟ وما شروط التقديم والحصول عليه؟ ومتى تكون هذه الخدمة موجودة؟ تابعونا لمعرفة كافة التفاصيل:
عشان الست المصرية، بنك ناصر الاجتماعي وصندوق تحيا مصر، طلعوا نوع جديد من التمويل وهو قرض مستورة.وعن طريقه، تقدر المرأه المصريه تفتح مشروع خاص بيها وفي أي مجال تحبه سواء بقى كان انتاج حيواني أو تجاري أو خدمي اوصناعي، أو حتى تفتح مشروع من البيت عشان تزود تدخلها وغي في مكانها.
هل شروط التقديم عليه صعبة؟
بالعكس ده الحصول عليه مفيش أسهل من كده، كل المطلوب ان اللي هتقدم عليه تبقى مصرية الجنسية وعمرها مابين 21 و60 سنة في تاريخ المنح.
واخيرا السمعة الحسنة، ودي هيعرفها عن طريق الإستعلام الميداني.
تفاصيل القرض
حسب موقع البنك، قيمة التمويل اللي بتاخده العميلة بيبدأ من 4 آلاف لغاية 30 ألف، وده مبلغ مناسب عشان الواحد يبدأ مشروع على صغير ويكبر بعد مدة.
بس خد بالك البنك مبيصرفش التنوبل نقديا، لكن عيني، طب ازاي؟العميلة بتقدم عروض أسعار بمستلزمات المشروع، والبنك بيكون مسؤول عن تسليم المشروع بعد الموافقة على التمويل.
والخبر الحلو انه بدون عائد بس فيه مصاريف إدارية بقيمة 7% تدفعها مقدما، و3.5% سنويا، اما بقى فترة السداد فمدتها 24 شهر.
وكل اللي مطلوب للتقديم صورة بطاقة الرقم القومي والـــرقم التــأمينى وطلب الحصول على القرض، وبيان معاش لو موجود، ووصل مرافق حديث
بس أهم حاجة هي تقديم نموذج 2 وده نموذج اجتماعى بمعرفة لجنة الزكاة او الشئون الاجتماعية، ولازم كل المستندات تكون موقعة ومختومة بخاتم اللجنة كإثبات صحة المستندات.
وتقدر اي بنت او ست مصرية عندها فكرة مشروع وعاوزة تحسن دخلها تقديم على بنك ناصر فى اى فرع من فروع البنك، والبنك مش بيسلمها المشروع وبس، ده كمان بيقدمها خدمات تانية عشان المشروع ينجح.
يعني مثلا بيوفر خدمات التدريب على إدارة المشروعات والتأمين والتسويق و التوزيع.وكما بيوفر حسابات ادخارية متناهية الصغر للمستفيدات وكروت ميزة وخدمة الاشتراك في معارض ديارنا التابعة لوزارة التضامن الاجتماعي.
طيب هو في حد قدم على قرض مستورة ونجح فعلا؟ايوة، وسبق وعرض بنك ناصر نماذج فتحت مشروعات لتطوير الملابس وصناعة الديكور ونجحوا وشغلوا اللي حوليهم.
وفي الأول القرض كان مخصص للمستفيدين من معاش تكافل وكرامة وآخره في التمويل كان 20 ألف جنيه بس، لكن بعد كده الحكومة طورته وزودت قيمة التمويل عشان يخدم كل سيدات مصر في كل المناطق،
ودلوقتي قوللنا بقى هل تقدموا على قرض مستورة؟ او تعرفوا حد قدم عليه فعلا؟ شاركونا تجربتكم في الكومنتات
