وزارة المالية أعلنت عن بيع جزء من شركة المصرية للاتصالات. وهذا بعدما قالت الحكومة من فترة انها ستبيع 32 شركة لمستثمرين او ستعرضهم في البورصة..
والسؤال بقى يا ترى باعوها بكام ؟ ومين اشتراها؟ وايه مصيرها الفترة الجاية؟كل ده هتعرفوا لما تتابع الفيديو ده
..
الحكومة اعلنت من فترة انها هتبيع 32 شركة مملوكة للدولة سواء في البورصة أو لمستثمر استراتيجي، والمفروض انها ناوية تجمع 2 مليار دولار قبل نهاية يونيو حسب كلام وزير المالية محد معيط.
ودلوقتي الوزير كشف عن خطة بيع ١٧٠ مليون و٧٠٧ آلاف و١٦٠ سهم، والعدد ده يمثل 10% من أسهم رأسمال الشركة المصرية، طيب ايه تفاصيل الصفقة؟
بص ياسيدي البيع متقسم على شريحتين:الأولى اتباعت خلاص في السوق الثانوي للبورصة، وده بيكون موجود فيها مجموعة من المؤسسات المالية والجهات صاحبة الخبرة.
والمهم ان الشريحة دي نسبتها 9.5% من وأشكال مال الشركة، واتباعت بحوالي 3.7 مليار جنيه، بسعر 23.11 جنيه للسهم الواحد
أما الشريحة التانية فنسبتها 0.5% من رأس المال ودي هتتباع للعاملين في الشركة، بحوالي 8.5 مليون سهم، والبيع هيبدأ من اول 25 مايو الجاري.
من يمتلك الشركة المصرية للاتصالات؟
بص ياسيدي قبل إجراء الصفقة، الحكومة كان ليها 80% من شركة المصرية للاتصالات، وال20٪ الباقية مطروحة للتدوال في البورصة، حسب موقع مصرواي.
ووزارة المالية قالت ان الأسهم اللي بتتباع بتمثل 10% من رأس مال الشركة و 12.5% أسهم مملوكة للدولة، يعنب في الاخر الدولة لسة صاحية الاغلبية في الشركة للاتصالات.
من اشترى الحصة المعروضة للبيع؟
لحد دلوقتي مفيش اي بيانات رسمية توضح مين بالظبط اللي اشتراها، لكن حسب جريدة المال عملية الطرح شارك فيها مؤسسات سعودية كبيرة زي «مجموعة العُليان» و «عبدالمنعم الراشد» وكمان «moon capital» وده صندوق استثمار عالمي مقره في أمريكا، بس الصفقة راحت لمين بالظبط مفيش معلومة رسمية زي ماقلنا.
أما بقى لو هنتكلم عن وضع المصرية للاتصالات، فالشركة دخلها إيرادات في 2022 بأكتر من 44 مليار جنيه، وحققت ارباح وصلت لحوالي 9 مليار جنيه في نفس السنة كمان دخلت 3 مليون عميل جديد في الشركة، حسب موقع مصرواي.
والمفاجأة بقى واللي ناس كتير متعرفوش ان المصرية للاتصالات بتملك 45% من شركة فودا فون، طيب ليه الحكومة باعت جزء منها؟
اقولك ليه: الحكومة من اول ما اعلنت عن الطروحات الحكومية دي، قالت ان الهدف منها هو تنوع مصادر الاستثمار وعشان تدخل مستثمرين للبلد
ماذا تعني طروحات حكومية؟
يعني الدولة بتقوم بعرض جزء من راس المال لمجموعة شركات بتملكها للبيع في البورصة أو مستثمرين استراتيجيين.
وده عشان تعزز مشاركة القطاع الخاص ويكبروا الشركات خلال الفترة الجاية، فهل معنى كده ان في شركات تانية في طريقها للبيع؟
وزير الماليك محمد معيط في آخر تصريحات ليه َ، قال إن الحكومة ياترى التخارج من حصتها في بنك الإسكندرية واللي بتوصل إلى 20% من البنك، وكمان أكد إن برنامج الطروحات الحكومية مستمر من غير توقف.
انت بقى ايه رايك في صفقات بيع جزء من حصص الدولة في الشركات المملوكة ليها؟ وازاي ده هيزود الاستثمار في مصر؟
