لو قولتلك هتاخد قرض حسن من الحكومة بدون فؤائد ولامصاريف إدارية وهيتسدد على أقساط شهرية لمدة 3 سنين بس هتصدقني؟ لا ياسيدي الكلام ده حقيقي ولو انت من الفئات المستحقة اللي حددتها الدولة هتقدر تاخد القرض ده بخطوات بسيطة وتسدد على مهلك، وهنقولك إزاي تعمل كده في التقرير التالي:
برغم الظروف الاقتصادية الصعبة اللي بتواجهة كل دول العالم ومنهم مصر، إلا إن الحكومة بتحاول دايما وبكل الطرق تدعم فئات المواطنين الأكثر احتياجًا.
وعشان كده بنك ناصر الاجتماعي زي ما عودنا على تقديم خدمات اجتماعيه مميزه لفئات المواطنين قدر يقدم ليهم قرض حسن بحد اقصى عشرة الاف جنيها و بدون فوائد، وبمصاريف اداريه بسيطة، يسدده المواطن على أقساط شهريه لمدة ثلاث سنوات وفي حالة وفاتة بستقط من عليه.
ولو انت مش عارف فالقرض ده يعتبر خدمة تكافلية ضمن خدمات كتيرة بيقدمها بنك ناصر، يقدر يقدم عليه أصحاب المرتبات والمعاشات وورثة المعاشات.
طب وياترى إيه هي شروط الحصول على القرض الحسن من بنك ناصر الاجتماعي؟
هقولك ياسيدي لو انت هتاخد القرض ده بضمان المرتب يبقي لازم متقلش مدة الخدمة الفعلية لسنوات شغلك عن 3 سنين ، ولكن لازم وانت رايح تاخد معاك ضامن من العاملين بالجهاز الادارى للدولة، وتعمل إجراء بسيط وهو تحويل القسط او المرتب على البنك مباشرة من راتبك. طيب ولو في حالة إن إنت على المعاش وعايز تاخد القرض ده هل في شروط بردو؟
في المعاش الافتراضى المفترض إنه متقلش الخدمة بتاعتك وقت شغلك عن عشرين سنة ، وقتها هتقدر تحول القسط أو المرتب على البنك مباشرة وتاخد القرض.
أما لو انت عايز تاخد القرض والمعاش بتاعك مستحق، هتقدر تعمل تحويل القسط أو المعاش على البنك فى حالة المعاش المستحق وبتقدم معاك ضامن من العاملين بالجهاز الادارى للدولة .
إيه بقى هي خطوات الحصول على القرض الحسن من بنك ناصر الاجتماعي؟
- أول حاجة لازم تقدمها هي صورة بطاقة الرقم القومي للمقترض والضامن وطعبًا تكون ساريـــة”
- بعد كده هتجيب الـــرقم التــأمينى ليك انت لو انت المقترض وكمان للضــــامن
- وده لأنه لازم يكون معاهم برنت التأمينات للضامن والمستفيــــــــد .
- لو انت شغال أو على المعاش لازم هتجيب بيان مفردات ليك ولـ مرتب الضامن .
ولو انت متزوج وعايز تاخد القرض الحسن هتقدم تقديم أصل وثيقة عقد قران بالنسبة للمسلمين أو الطوائف المسيحية ومتكنش زادت مدتة عن سبع سنين
أما لو في حالة قرض العلاج هتقدم شهاده طبية حديثة معتمدة من أحد المستشفيات التابعة لوزارة الصحة تثبت حالتك الصحية.وفي حالة قرض الحالات الملحة أو الطارئة هتقدم المستند اللي بيدل على الحالة دي وتفاصيلها.
قولنا رأيك في الخدمات اللي بيقدمها بنك ناصر الإجتماعي؟
