لو كنت من أصحاب المعاشات ومعك أموال تخاف عليها من خطر التضخم خاصة وإنه مع الوقت قيمة الفلوس تقل، وفي نفس الوقت لا تريد أن تربطهم بشهادة إدخار وحاسس إنك ممكن تحتاجهم في أي وقت.
يبقي الخبر ده عشانك وده لأننا هنقولك على أعلى 3 حسابات توفير في البنوك واللي هتديك أعلى عائد تستفاد بيه وتضاعف فلوسك في أسرع وقت.فخليك معانا عشان تعرف إزاي تقدم عليهم وتختار العائد اللي ينساسبك.
الحكومة المصرية دايما بتسعى إنها تقدم تسهيلات لأصحاب المعاشات، وخاصة الخدمات النوعية ، وده بهدف إنها توفر ليهم حياة كريمة.
وطبعا كلنا عارفين إن البنوك المصرية بتقدم حسابات توفير بنكية، والنهاردة هنقولك على أفضل الباقات اللي بتقدمها البنوك المصرية لأصحاب المعاشات واللي هتخليك تقدر تختار استثمار يحققلك عائد كويس ومضمون .
وعشان متحتارش كتيردلوقتي ممكن تختار من بين أعلى 3 حسابات توفير من حيث الفائدة، والحسابات دي بيقدمها البنك الأهلي المصري، والبنك الزراعي المصري،و بنك مصر.
عندك في البداية حساب التوفير لأصحاب المعاشات من البنك الأهلي المصري:
واللي بيوصل العائد عليه لـ 9% سنوياً، كمان الميزة إنك بتقدر تختار دورية صرف العائد بشكل شهري.والجميل بقا إن الحد الأدنى لفتح الحساب هو 5000 جنيه بس وده اللي بيخليه يجذب شريحة كبيرة من المواطنين.
وخلى بالك بيبدأ الحد الأدنى لاحتساب العائد من أول 1000 جنيه، وبيكون الحد الأقصى للحساب هو مليون جنيه.أما بقى لو حابب تاخد فايدة أكبر فعندك حساب التوفير لأصحاب المعاشات اللي بيقدمه بنك مصر، واللي بيوصل العائد عليه لـ 13% سنوياً.
كمان بتكون دورية صرف العائد بشكل شهري.أما بقى الحد الأدنى لفتح الحساب بيكون 1000 جنيه بس، كمان بنك مصر بيوفرلك امكانية فتح الحساب مشترك بأكتر من اسم.
وأخيرا عندك بقا حساب التوفير واللي بيكون لأصحاب المعاشات من البنك الزراعي المصري:
وده بقا العائد عليه بيوصل لـ 6.25% سنوياً.كمان دورية صرف العائد بتكون بشكل شهري.أما بقى الحد الأدنى لفتح الحساب بتكون 1000 جنيه.والبنك الزراعي بيوفرلك امكانية الاقتراض بضمان حساب التوفير .
ولو انت من أصحاب المعاشات أو ليك حد بيقبض معاش أكيد سمعت عن الزيادة الجديدة اللي أعلن عنها الرئيس عبد الفتاح السيسي واللي المفترض اتطبقت من بداية شهر إبريل
وده اللي اكده جمال عوض الدين، رئيس الهيئة القومية للتأمين الاجتماعي، وقال إن قيمة الزيادة بتتراوح بين 170 جنيه كحد أدنى و1635 جنيه كحد أقصى.
والمفترض كمان إنه كلها أيام ويبدأ أصحاب المعاشات وهم حوالي 11 مليون مواطن في صرف معاش شهر مايو بالزيادة الجديدة برضه .
وهيبدأ صرف المعاش من يوم 1 مايو وده من خلال ماكينات الصرف الآلي الخاصة بالبنوك والبريد.
دلوقتي قولنا لو انت من أصحاب المعاشات ومعاك قرشين شايلهم للزمن هتفضل تفتح بيهم حساب توفير ولا تشتري شهادة إدخار؟
