هل سيتم إذاعة تنفيذ الحكم بعشماوى للمتهم محمد عادل؟ وما راي المحكمة في هذا المر؟ هذا السؤال يتردد في اذهانالعديدمنا خلال الفترة المضية ، وخاصة خلال الساعات الماضية بعد أن حسمت المحكمة مصير محمدعادل.
ودى كانت مطالبة كل المصريين من لحظة الحكم عليه بعشماوى،بقالنا 6 شهور كل يوم تطورات ومفاجاأت جديدة فى قضية نيرة أشرف والمتهم فيها محمد عادل بإنهاء حياتها ..
طعن بقى ..رفض من محامى المتهم..تغيير فى الإعترافات، اللى إتقال من المتهم فى التحقيقات غير اللى إتقال قدام المحكمة وده كله الاعيب محامين وثغرات مشيها قانونية ،علشان يعنى الحكم يتخفف شوية من عشماوى يبقى أشغال شاقة وكتر خير الدنيا كده .. هو كان فين وبقى فين ..
مش المحامى قال علي المتهم مريض نفسي؟..وإن الإضطرابات النفسية اللى هو بيعانى منها دى هى السبب فى إرتكابه للواقعة ،والإعلام كمان تخيل؟ إزاى الإعلام كان السبب فى الحكم عليه بعشماوى مرة واحدة كده؟
فى أى مشهد فى مسلسل أو فيلم لما تشوف متهم رايح برجليه لعشماوى بتلاقى مين بيحضر اللحظة دى؟ حوالى 3 أشخاص أساسين اللى المفروض يحق لهم حضور اللحظة دى المأمور، أحد وكلاء النائب العام، وطبيب الحبس، و أي طبيب تانى بيتم إنتدابه..وده وفقا للقانون وحسب نص المادة 474 من قانون الإجراءات الجنائية، ويكون تنفيذ حكم عشماوى بالطريقة دى .
كمان لمصرح لهم بحضور العقوبة دى محامي المتهم، وممثل عن الجهة الدينية حسب ديانة المحكوم عليه.
مفيش حد تانى له الحق إن يحضر أو يشوف المتهم فى اللحظة دى .. إلا بعد إذن خاص من النيابة العامة،وإن دفاع المتهم يقول الحكم الصادر ده بصوت عالى قدام كل الحاضرين ومنهم المتهم فى مكان التنفيذ ،ولو حب المتهم يقول أقوال تنقذه من إيد عشماوى ،فورا يحرر وكيل النائب العام محضر بها.
وخلى بالك إن الحكم بعشماوى مش بيتنفذ إلا بعد تقديم المحامى طعن فى الحكم الصادر خلال 60 يوما من تاريخ صدور الحكم، ومش بيتم التنفيذ إلا بتصديق من رئيس الجمهورية خلال 15 يوم.
علشان كده خالد عبدالرحمن محامي نيرة قال انه هيتقدم ، بطلب لرئاسة الجمهورية بإذاعة تنفيذ الحكم على الهواء مباشرة علشان يكون الحكم رادع للجميع لأن بعد واقعة نيرة حصلت وقائع كثيرة مشابهة كان بطلها محمد عادل.
لو طبقنا ده على قضية نيرة أشرف ،وخاصة فى حالة المتهم محمد عادل اللى إتحكم عليه الساعات الى فاتت بعشماوى بعد طبعا إستناد المحكمة ل5 أسباب خلتها تصدر الحكم ده .
الحكم بعشماوى على المتهم محمد عادل تم فى يوليو2022 ،ومحامى المتهم طبقا للقانون قدم الطعن ،إما يتقبل والمتهم ينفد من عشماوى، ويتم إعادة محاكمته من جديد، وإما يترفض الطعن وهنا محمد عادل وقع فى إيد عشماوى خلاص .
وده اللى حصل فى الجلسة الأخيرة من القضية إن المحكمة رفضت الطعن،ولكن المحامى بيشكك فى حكم المحكمة وشايف إن المتهم مريض نفسى وإن مكانش فى نيته إنهاء حياة نيرة ،ولا الواقعة تمت مع سبق الإصرار والترصد ،ولكن تحقيقات النيابة وإعتراقات المتهم بتأكد إن المتهم مخطط ومبيت النية للتخلص منها ،ده غير رسايل التهديدات اللى كان باعتهلها زى ودينى لإنهى حياتك وغيرها كتير.
المحكمة وجهت بقى رسالة للمشرع بالتعديل فى نص المادةِ 65 من قانونِ تنظيمِ مَراكز الإصلاح والتأهيل المُجتمَعي المُنظمةِ لتنفيذِ عُـقوبةِ الإعدام؛ علشان يتم َ إذاعةَ تنفيذ حكم عشماوى مُصَور على الهواءِ، ولو في جُــزءٍ بسيط من الإجراءات مش لازم التفاصيل كلها يتم إذاعتها ..علشان يكون عبرة للتاريخ ولغيره .
أحنا شوفنا فعلا من كام سنة إن حكم عشماوى إتنفذ على مرئ ومسمع من كل الناس فى قضايا كتير زى قضية هشام عشماوى.
وحالات تانية تم إذاعتها على التليفزيون المصري بقرار من الرئيس الأسبق حسني مبارك بأحد الحلقات من برنامج مساء الخير على القناة الأولى، وتم إذاعة تنفيذ الحكم سنة 98 على 3 أشخاص كانوا متهمين فى قضية إتعرفت بواقعة مدينة نصر، لما ارتكب المتهمين سنة 97 واقعة إنهاء حياة سيدة وأولادها بدافع السرقة.
قضية نيرة أشرف متقلش عن القضايا دى ،هى من القضايا اللى عملت ضجة كبيرة فى مصر والوطن العربى كمان ،وفعلا هزت قلوب كل الناس ، القضية بقيت رأى عام،مش بس علشان تفاصيلها المؤلمة لا كمان علشان أول مرة نشوف حاجة كده بتحصل قدامنا بالبشاعة دى.
والمتهم ميقلش فى اجرامه عن المتهمين دول ،لكن جزئية إذاعة لحظة تنفيذ الحكم بين مؤيد ومعارض سواء من أساتذة الإعلام والقانون والطب النفسي والإجتماع .. اللى شايفين إن ده هيأثر جدا على نفسية الناس وخاصة الصغار وفى الللى شايف إن ده هيزيد من تعاطف الناس مع المتهم، وفى اللى شايف إن يتم إذاعة إجراءات تلقين الشهادة وإعلان الوصية بس وغيرهم شايف غن ده ضد الإنسانية وإن ده هيمثل خلل فى حق رحيل الجانى بكرامة خاصة إن ده مش هيعود على المواطن بحاجة إنه يشوف المشهد ده قدامه..
رغم صعوبة المشهد واللحظة،ولكن الناس شايف إن ده هيشفى غليلهم وهيبرد قلوب أسرة المجنى عليها نيرة أشرف .. إنتوا بقى مع ولا ضد تنفيذ الحكم على الهوا؟ شاركونا فى التعليقات …
