بعد التريند الذي تصدر السوشيال ميديا الأيام الماضية بتصريحات البلوجر أم زياد..والتفاصيل التى حكتها وسمعة أولادها التى سوءتها ، ومل ذلك لكي تظهر والدهم مخطئ ومن أجل الأموال أيضا.
إنتقامها من طليقها فشلت فيه! وللأسف طليقها طلع براءة ..ايوة تم القبض عليه والتحقيق معاه..وطلع من القضية زى الشعرة من العجين..وهى إتورطت فيها ..أم زياد وقعت ومحدش سمى عليها!
ياترى مصيرها هيكون إيه!ايه اللى مستخبى لأم زياد الأيام الجاية بعد اللى عملته فى ولادها!ليه الكل شايف إن عقوبتها لازم تكون كبيرة!مش هتصدق أولادها قالوا إيه!
أم زياد مش هتفارق الزنزانة ..وبدل ما كانت بتنام على حرير من فلوس اليوتيوب ..بقيت تنام على البورش! ومصيرها لحد دلوقتى غامض والكل بيسأل يا ترى العقوبة اللى تستحقها إيه! إزاى أم تقول كده على أولادها وتظهرهم بتقررهم وتجبرهم يحكوا تفاصيل خادشة كده! كبرتهم قبل أوانهم وكله علشان الفلوس!
الحقيقة إن نأبها طلع على شونة ..واللى كانت بتخطط ليه تعمله فى طليقها بسبب المشاكل الللى كانت بينهم ولسة موجودة لحد دلوقتى إتقلب عليها ..وهى اللى هتتحبس وكل يوم يتجدد لها الحبس ..وجوزها طلع براءة ..وده بعد القبض عليه والتحقيق معاه.. وده حسب ما نشره موقع الموقع
طليقها إتقبض عليه علشان هو طرف فى القضية ..وإتجاب سيرته فى الفيديو اللى نشرته أم زياد على السوشيال ميديا فكان لازم يتحقق معاه ويتاخد أقواله..بس هو طلع معلهوش حاجة تستدعى حبسه ..خرج براءة ومضى على تعهد بحسن رعاية الأطفال!
معنى كده إنهم هيقعدوا مع أبوهم وهو يربيهم؟ معنى كده إن أم زياد مش هتخرج دلوقتى خالص!
أيوة بالظبط كده ..لأن مصيرها وفقا للمادة 178 من قانون العقوبات هيكون الحبس مدة مش هتزيد عن سنتن وغرامة من هتقل عن 5 ألاف جنيه ومش هتزيد عن 10 ألف جنيه ..
كمان المادة 25 من قانون قانون مكافحة جرائم تقنية المعلومات،بينص على إن يعاقب بالحبس مدة مش عتقل عن 6 شهور، وبغرامة مش هتقل عن 50 ألف جنيه ولا هتزيد عن 100 ألف جنيه، أو بإحدى العقوبتين ..
وده طبعا لإنها إعتدت على المبادئ والقيم الأسرية فى المجتمع .. وتعدت حرمة الحياة الخاصة وطلعت ولادها قدام الناس بالطريقة اللى كلنا شوفناها دى ..
طيب ياترى أبوهم مؤهل إنه يرعى الأولاد بعد الى أمهم قالته عنه؟
هى قالت إنها مرت بمشاكل كتير وخلافات مع طليقها وعايز ياخد الولاد منها..ولو شك أنهم بنفس الأخلاق دى يبقى هى معرفتش تربى وهيكون له الحق إنه ياخدهم وبالقانون ..فقالت إنها تبدأ تقول بدل ما الموضوع يتكشف وكل حاجة تروح منها.
هى شايفة إن الأب ملهوش دور ،وجوده زى عدمه!وبنتها وإبنها “الطرفين فى الواقعة” هى جابت أخرها منهم، وهى متجوزاه كان بتشوف أفعال غريبة من إبنها ..لحد ما هى شافتهم بعنيها فى وضع صعب،ومرة عن مرة كانت بتسمع صوته وهو داخل على إخواته الأوضة ولما ياخد باله بيطلع يجرى!لحد ما العيال الصغيرة شافوه نايم جنب أخته الكبيرة بردوا!
لكن الأولاد بيقولوا ده محصلش ..والأب كشف على بنته والدكتور قاله إنها ساخ سليم..والولد بيقول الشات اللى شافته مش حقيقى كل الحكاية إنه كان بيمر بأزمة نفسية وحد إستغله على السوشيال ميديا وكان بيفضفض معاه مش أكتر ..وواحدة واحدة الموضوع كبر منه غصب عنه!
وقالوا إنها كانت بتهملهم ،وكل اللى يهمها الفلوس وجوزها الجديد وبس!هم مصدومين من اللى إتقال عليهم ومش عارفين يواجهوا الناس إزاى!
الحقيقة إن مفيش حد موافق أم زياد على تصرفها ..وكانت طالعة فى الفيديو بتعيط وقليلة الحيلة مش عارفة تتصرف ..بس كان الأولى تتجه فى سكة الطرق الشرعية زى دكتور نفسي،مركز إرشاد أسرى ..لكن للأسف “لو ده حصلت فعلا هى مفكرتش تحمى وتحافظ على أولادها إزاى” فكرت فى الفلوس والأرباح وبس!
غلط بقى او صح حصل أو محصلش اللى قالته فى الفيديو وإعترافاتها قدام النيابة فلازم تتعاقب وتكون عقوبة صارمة وبسرعة ،علشان تكون عبرة لأى حد سواء أم أو شخص تانى يفكر يمس حياة الأخرين الخاصة ويسوء سمعتهم !
