أثار وفاة إسراء أحمد عويضة ممرضة من أبناء محافظة الدقهلية من الجمالية الجدل.
حيث كانت تعمل بمستشفى الحياة ببورفؤاد، وسوف يتم دفن جثمانها بمقابر الأسرة بمسقط رأسها.
بدأت القصة عندما كتب أصدقائها على الفيس بوك :« طبيعى كونك فى المجال الطبي فبتكون على دراية تامة ب إيه الحالات السهلة الى هتعيش وإيه الحالات الصعبة الى مفهاش أمل وده طبعا بالنظرة العلمية البحتة ، لكن الموضوع بيختلف تماما معانا ، احنا اه عارفين ان الحالة مش هتكمل بس مع ذلك احنا بنصلي وندعى للحالة بالشفاء وندى امل لاهل الحالة ، لان عندنا نعمة عظيمة وهى نعمة الإيمان بالله عز وجل وقدرته فى تغيرر أمور الكون فى أقل من غمضة .. وكلنا عارفين إن الدعاء بيغير القدر».
وأضاف زملائها :« علشان كدة ياريت ندعى لزميلتنا إسراء مُمرضة شغالة في التأمين الصحي الشامل ببورسعيد راحت تكشف عشان عندها صداع مستمر فاللي في التأمين قالها طالما إيدك الى شغالة بيها سليمة يبقا تكملى شغل ، من غير اى فحوصات … زمليتنا جالها جلطة في المخ و فيه جزء من المخ مات نتيجة الجلطة و محطوطة على جهاز تنفس صناعي في غيبوبة تامة ، عندنا أمل وكلنا إيمان انها ان شاءالله تفوق وتقوم بالسلامة ، نسالكم الدعاء لعل أحدكم أقرب الله منا».
