تصدرت قضية البلوجرآية إيهاب مواقع التواصل الاجتماعي بعد الكشف عن القبض عليها واتهامها بتجارة المخدرات وخاصة أنه تم القبض عليه ومعها 9 مليون جنيه كاش و4 سيارات أخر موديل و860 فرش ممنوعات.
ازاي الناس شاركت مع البلوجر الشهيرة إيه إيهاب فى جريمتها ؟ .. ومين اللى اتقفش معاها ده ؟.. كل ده واكتر هنعرفه مع بعض في الفيديو ده.
خلاصة الكلام البلوجر فسدوا البلد، ده اللى قالته الناس بعد القبض على البلوجر الشهيرة آية إيهاب هي وعشيقها في الهرم، اتقفشوا الأتنين وهما معاهم ممنوعات تكفى مصر كلها والوطن العربي كله، ومعاهم كمان ٤ عربيات اخر موديل و٩ مليون جنيه كاش، وكله من على قفا الناس.
من شويه كشفت المواقع الإخبارية المتخلفة أنه تم القبض على البلوجر الشهيرة آية إيهاب ومعاه عشيقها، ووجّهت جهات التحقيق للبلوجر آية إيهاب وعشيقها تهمة حيازة 860 فرش ممنوعات، وفلوس ورق بعشره جنيه الجديدة وميات، وصلت قيمتهم فى الآخر لـ 9 مليون جنيه مصرى، وتم ضبط الاتنين دول والحاجه اللى معاهم داخل شقتهم بمنطقة حدائق الأهرام بالجيزة.
وكشفت الشرطة عن الإسم الأول لعشيقها اللى كان معاها في الشقه وشريكها فى البلاوى اللى بتعملها دي، شريكها ده إسمه رامي، وهى بتقول دلوقتي أنه مش شريكه ولا حاجه، ده جوزها، بس عرفى، اومال انتو فاكرين إيه، دي ممسوكه بممنوعات يعنى، هتتجوز ازاى فى الآخر.
ما علينا، كشفت التحريات الأمنية إتجار المتهمة آية إيهاب البلوجر الشهيرة في المواد الممنوعه وشريكها فى الحوار ده زوجها العرفي، واشتغلوا الأتنين سوى في شقتهم اللي في حدائق الأهرام، وكانوا مخبين كمان جزء من الممنوعات دي في الأربع عربيات اللى كانوا معاهم، وكمان كانوا حاطين فيها فلوس، ٩ مليون جنيه تقريباً.
حد ممكن يجي في باله سؤال ازاى الشرطة عرفتهم وشغلتهم المشبوهة ؟
الاخبار بتقول أن فيه حد من عملائهم بلغ عليهم وعلى الفور انتقلت قوة من رجال المباحث، واتمكنت من القبض عليهم وبحوزتهم كميات كبيرة من المواد الممنوعة داخل شقتهم السكنية والعربيات.
و بينت التحريات اللى عملها رجال المباحث بقسم شرطة الأهرام بمديرية أمن الجيزة، وجود علاقة مش تمام بين البلوجر الشهيرة والواد اللى معاها اللى هي بتقول عليها جوزها، وكانوا بيمارسوا علاقة الأزواج عادي خالص داخل إحدى الشقق السكنية، بالإضافة لشغلهم الاتنين مع بعض فى تجارة المواد الممنوعة وبيعها، واستخدام سيارات من X6، احدث موديل.
نيجي بقى للنقطه الأهم واللى بسببها علمنا الفيديو ده، الأخبار المتداولة بتقول ان الناس شاركت مع البلوجر الشهيرة آية إيهاب في جريمتها دى، وأنها مش هى وعشيقها بس اللى شركاء في الجريمة.
ازاى ده بقى؟ بتوضح الأخبار أن البنت الناس عملت ليها اكتر من ٣٠٠ مليون مشاهدة على تطبيق تيك توك، وبسبب المشاهدات دي البنت عملت فلوس كتير، الفلوس دى هى اللى البنت شغلتها في شغل الممنوعات، وعليها عملت جرائمها دى كلها.
والناس دلوقتى بتتكلم أن الفرجة على تيك توك ومتابعة ناس زي البنت دي هوا اللي مساعد في نشر الجريمة، ولا انتم ايه رايكم ؟
