![شيكابالا](https://www.l2tat.com/wp-content/uploads/2023/03/164785624411020221004064609469.jpg)
أكتر من مصدر داخل نادى الزمالك يقول ان كابتن شيكابالا سيرحل عن الفريق، بعد الأصابة الأخيرة التى اعرض لها وبطل بسببها التدريبات.
امتى بالظبط هيمشى شيكابالا ؟ .. إيه اللى هيعمله معاه النادى بعد رحيلة ؟ .. كل ده وأكتر هنعرفه مع بعض في الفيديو ده.
خلاص النهايه قربت وحان موعد رحيل شيكابالا، كابتن واسطورة النادى خلاص رحيلة بقى شبه رسمى، بعد ما أكد أكتر من مصدر داخل النادى ان أمير مرتضى قعد معاه واتفقوا على التفاصيل الأخيرة في الرحيل، وكمان أخد وقعد من أمير أنه يكون له منصب كبير جدا داخل النادى بعد رحيله عن فريق الكرة.
كل الكلام ده طلع بعد الأزمة الصحية الكبيرة اللى اتعرض ليها شيكابالا الأيام اللى فاتت واللى بسببها بطل شيكابالا يظهر في تدريبات الفريق، وكمان بطل يظهر في المباريات.
موقع الموقع قال بناء على مصادر مقربة ليه داخل نادى الزمالك، أن شيكابالا فاضل ليه الموسم ده بس مع نادى الزمالك، وفى الأغلب شيكابالا قرر اعتزاله وقريب قوى هيعلن كده بنفسه، يمكن مأخر القرار شويه لحد مايطلع المستشار مرتضى منصور من الحبس ويكون معاه وقت إعلان اعتزاله.
ده كمان فيه كلام عن منصب إداري مهم يتولاه شيكابالا بعد اعتزاله الكرة مع نادى الزمالك، المنصب إيه محدش لسه يعرف، بس هو قعد مع أمير مرتضى منصور، واتفقوا هما الاتنين على ايه اللى المفروض يحصل الايام اللى جاية، وخلاص هما مستنين بس خروج المستشار مرتضى منصور من الحبس، ووقتها هيتم الإعلان عن كل شيء.
السؤال دلوقتى اللى بيسأله بعض من جمهور الزمالك اللى عرفوا خبر تولى شيكابالا منصب مهم في إدارة نادى الزمالك، هو هل شيكابالا هينجح فى المنصب ده ولا لا، ولا هيكون فيه بعض المشاكل معاه زى ما كان بيحصل مع شيكابالا وهو لاعب مع النادى.
وكان رد جزء من الجمهور أن كابتن شيكابالا شخص محترف وأكيد أكيد هيكون محترف كمان في أي منصب هيتولاه في نادى الزمالك، خصوصا وأن نادي الزمالك فيه اتجاه انه يطلع شيكابالا ياخد دورات تدريبية بره في الإدارة وكل ماهو متعلق بكرة القدم، ولو شيكابالا عمل كده فعلا وأخد الدورات أكيد هيكون على القدر الكافى من المسؤولية للمنصب اللى هيتولاه، وهيسانده فيه جمهوره من الزملكاوية اللى بيحبوه جدا من وهو لاعب كرة، ولا أنتم رأيكم إيه ؟.
المهم دلوقتى ونخلينا في وقتنا الحالي، شيكابالا ممكن بكره أو بعده يرجع للتدريبات مع نادى الزمالك بعد ما خضع لفحوصات طبية طمأنت عليه نسبيا الجهاز الفنى للنادى، وممكن يلعب ماتش ولا اتنين لحد ما يعلنوا ميعاد اعتزاله كرة القدم.
لحد هنا ونكون وصلنا لنهاية الفيديو، وقبل مانقفل حابين نوجه ليكم سؤال، توقعكم إيه المنصب اللى هيتولاه شيكابالا فى نادى الزمالك ؟ .. اكتبوا في التعليقات.