اتفاجأتوا بخبر نقل كريستيانو للنصر السعودي أم لا؟ بالنسبالك ممكن الخبر يكونغريب، وتسأل عن تفاصيل الصفقة، لكن الصفقة ليها زوايا كثيرة جدًا، ستبقى في مصلحة كريستيانو والسعودية كلها.
لذلك اتفق النادي على أضخم صفقة في التاريخ، بأجر خيالي أعلى من أي لاعب في العالم.. هتبقى صدمة ليك لما يتحول بالمصري وتعرف بكام..وتعرف اللي ورا كواليس الاتفاق..
في بداية كأس العالم أو قبليه بشوية، عرفنا ان نادي النصر السعودي بيتفاوض مع اللعب البرتعالي كريستيانو رونالدو، انه يضمه للنادي، لكن لسه خبر التعاقد الرسمي وانتقاله مكنش تم بشكل رسمي وأكيد.
لكن 2022 حبت تختمها بخبر مفاجأة، وصورة كريستيانو وهو لابس قميص النصر السعودي، اللي اعتبره الجمهور ده أغرب خبر في السنة، وان بالسرعة دي لحق يتصور بالقميص!وآراء كتير في الأول كانت بتقول إن كريستيانو هيرفض يتنقل للنصر، لكن فاجأنا كلنا.
لكن النصر السعودي مقدر حجم القرار الكبير اللي خده اللاعب في نهاية مشواره، عشان كدا اتعاقد معاه في صفقة انتقال حر، لمدة موسمين ونص.واتفقوا انه هياخد مرتب سنوي حوالي “200 مليون يورو”، بيوفرله مزايا إعلانية كبيرة.ودي أغلى صفقة في تاريخ كرة القدم، حتى إنه عدّى المبلغ اللي بياخده ميسي ونيمار
يعني لو حسبنا المبلغ ده بالجنيه المصري، هيبقى حوالي 5300 مليون جنيه في السنة، يعني في الشهر مثلا 441.7 مليون جنيه، وفي الدقيقة 10229 الف جنيه.
طب ايه اللي يخلي النصر السعودي يدفع المبلغ ده في لاعب عنده 37 سنة، غير انه فعلا أسطورة في كرة القدم، ومسجل حوالي 835 هدف في 1173 مباراة سواء في مباريات دولية او في فرق مختلفة.
ده من الناحية الكروية، اما من الناحية التسويقية والمالية، السعودية نفسها هتستفيد من كريستيانو مش النادي بس، لانها يعتبر اتعاقدت مع سفير عالمي، هيقدر يحققلها اهدافها التسويقية.
وده لان فعلا كريستيانو نجم عالمي، وفي ملايين من الناس بتتابعه وهتروح وراه مكان ما هو موجود، يعني عنده بس على انستجرام 526 مليون متابع من كل العالم، والصورة الواحدة اللي بينزلها عليه بيقبض عليها ملايين باليورووغير الـ 158 مليون متابع على الفيس بوك.
يعني لما كريستيانو ينزل صورته بس بقميص النصر السعودي، متخيلين ملايين الناس اللي هتعرف النادي، وهتسوق للسعودية نفسها وهيجذب الانظار ليها وللمستطيل الاخضر.
يعني لو نفتكر لما اتعرض قميصه مع يوفنتس الايطالي للبيع، النادي وقتها عرض القميص بسعر 63 مليون يورو في أول يوم بس.
أما صفقة رونالدو نفسها تمت، يعتبر في نفس الوقت اللي السعودية اعلنت فيها، انها بتستهدف في 2030، يدخلها 100 مليون زائر، لان لو ده اتحقق، هتبقى بين اكتر 5 دول، بيستقبلوا السياح على مستوى العالم، واللي هيساهم في نمو اقتصادها اكتر.
وده لان أغلب السياحة اللي بتدخلها، بتبقى سياحة دينية ، اللي حققت منها بس في 2022، 18 مليون زائر، عشان كدا صفقة رونالدو، هتعود بنفع كبير جدًا على السعودية، من كل النواحي سواء رياضيًا او اقتصاديًا.
فمش هيبقى كتيى عليه لما يقبض 200 مليون يورو والمفروض انه هيتسجل في قايمة لاعبين النصر، بشكل رسمي في اول شهر يناير، لكن هيغيب عن أول مبارتين بسبب الايقاف، لكن هيشارك كريستيانو لأول مرة بقميص النصر السعودي في كأس موسم الرياض يوم 19 يناير، في مواجهة فريق باريس سان جيرمان، على ملعب مرسول بارك.
ومن ناحية كريستيانو بقى، ف اكيد النادي هيهتم بيه وبمستواه، لان هيبقى صعب يخسر لاعب بحجمه، محبين كريستيانو بقى، ممكن الايام الجاية تشجعوا النصر السعودي علشانه؟
