حلت الفنانة لقاء الخميسي، الساعات الماضية، ضيفة ببرنامج “أسرار” الذي تقدمه الإعلامية أميرة بدر بقناة “النهار”.
وخلال اللقاء، قالت لقاء الخميسي: “النقاب مش فرض وصرحت بكده علشان أنا ست قريت القرآن وذاكرته وعارفه معانيه وشايفة إن مفيش حاجة اسمها خمار ونقاب، والجيوب هي المنطقة المقفولة اللي هي الصدر لازم تبقى مقفولة”.
“الحجاب مش فرض”.. لقاء الخميسي تثير الجدل مجددًا بتصريحات نارية
وأكملت: “انا من حقي إن أقول رأيي وربنا ما صادرش رأيي، وأنا مقتنعة إن الحجاب والخمار مش فرض ومش لازم أطلع غلطانة كل واحد شايف وجهة نظره اللي تحترم”.
وتابعت: “الحجاب بالنسبة لي على حسب قراءتي وتحليلي وتفسيري وتفسير ناس كتيرة أوي اللي هو تغطية منطقة الصدر فقط مش غطاء منطقة الرأس، وأنا قريت كتير تفسيرات كتير كده”.
وقالت لقاء: “أنا مسلمة وأبويا مسلم لكن أمي مسيحية، وكل واحد بداخله ربنا، أما طريقة اعتناقه لديانته فهي شيء يخصه وحده ولا يخص الآخرين.”
وتابعت: “أنا شايفة إن كل الديانات وخاصة المسيحية واليهودية والإسلام تتكلم بنفس المنطق، لكن كل ديانة بشكل يتفق مع وقت ظهورها، وكل الناس دي بتعرف ربنا.”
وأكدت: “أمي عمرها ما دخلتنا في القصة دي، بالعكس كانت تصوم معانا في رمضان وهي غير مضطرة، وتصحينا نصلي الفجر.”
اقرأ ايضا:
