كابتن محمود الخطيب جاب كل أعداءه الأرض، لا يوجد أحد وقف أمامه وعدى منها سليم، دخل مرتضى منصور الحبس، ووقف حال نادى بيراميدز وقام رئيس النادى بتصفيته، ماذا ينوي أن يفعل الخطيب أكثر من ذلك؟ تابعونا لمعرفة التفاصيل:
هي ايه الحكاية، ايه اللى بيحصل بالظبط، ليه مافيش حد قادر يقف قدام كابتن محمود الخطيب، ده مافيش حد عاداه ولا وقف ساعه ضده غير وحصلت له مشكلة، ده لو بيعمل أعمال على رأى المستشار مرتضى منصور مش هيبقى كده، دى كلها اسئله بتقولها الناس على مواقع السوشيال ميديا المختلفة، وكلها الحقيقه محتاجه اجابات، ازاى كابتن الخطيب قدر يعمل كل ده على الرغم من أنه أصلا بيمر دلوقتى بظروف صحيه سيئه جدا، ويادوب ممشى يومه بالعافيه.
والحقيقة أن الناس بردوا ردت على الكلام ده على السوشيال ميديا، وكان ليهم أراء كتيره جدا، هنعرضها ليكم وكل واحد يشوف هو مقتنع بأيه منها، اللى يتوافق مع هوى كل واحد يأكد عليه.
الأول بيقول أن كابتن محمود الخطيب مش هو اللى بيعمل كده ولا حاجه، يعنى الراجل بشخصة ضعيف خالص لا يملك انه يعمل بنفسة أي شيء، لا ده لو عليه لوحده فهو زى ما بنقول بالبلدي كده ” على باب الكريم” يعنى غلبان وطيب خالص مايقدرش يعمل حاجه خالص، وأن اللى بيعمل كده هوا إدارة النادى الأهلى القوية وفريق المحامين القوى اللى معاهم.
النادى الاهلى هو النادى الأكثر جماهيرية في مصر والأكثر دخلا للأموال على حسب ما هو متاح على السوشيال ميديا، وعشان كل الفلوس اللى دخلاه دى، فا النادى واقف على رجله وقوى، قادر انه يواجه والمحامين بتوعه نفسهم طويل وشاطرين قادرين أنهم مثلا أنهم يرفعوا قضية على المستشار مرتضى منصور، رئيس النادى الزمالك ويحبسوه، وأنتم وأحنا عارفين مين أصلا المستشار مرتضى منصور وقدرته على المواجهة وأن نادر ماحد بيقف قدامه وبيعرف ياخد حق ولا باطل.
فلما يجى كابتن محمود الخطيب بمساعدة النادى الأهلى بالمحامين بتوعه والشعبية بتاعت النادى الأهلى أنه ياخد إجراء قانوني ضد المستشار مرتضى منصور ويحبسه، دى تبقى حاجة كبيرة قوى وعظيمة قوى، نادراً ماحد قدر انه يعمل كده ضد المستشار مرتضى منصور نهائي.
ده حتى المستشار دلوقتى طالع يقولك أنا خلاص سامحت الخطيب، والموضوع شكله هايقلب بسلام معاهم خلاص، وده للامانه يبقى أحسن حاجة حصلت في الوسط الرياضى الفتره دى كلها، أنتم مش عارفين لما الناس ترتاح كده من المشادات اللى بين سيادة المستشار مرتضى منصور وبين كابتن محمود الخطيب، الوضع هيبقى عامل ازاى.
ونروح للرأي التانى، وهو أن القائمين على إدارة الكرة في مصر بيميلو شويه للنادى الأهلى بحكم جماهيريته الكبيرة وكده، وبيعملوله ألف حساب، وده تقريبا بردوا الرأي اللى شايفة سالم الشامسى اللى أخد قرار أنه يصفى نادى بيراميدز ويمشى من مصر، وكل ده عشان أتحاد الكرة مرضاش أو ما وفقش على طلبه باستقدام حكام أجانب لمباراة نادية مع النادى الأهلى اللى جايه، وهوا شايف أن الحكام المحليين في مصر بيقفوا مع النادى الأهلى بتخطيط من اتحاد الكرة.
أنتم بقى شايفين أيه، ومع أي رأى من دول، الكل يكتب رأيه في التعليقات.
