قدمت الفنانة الاستعراضية سما المصري، اعتذارها لنجم الكرة المصرية ولاعب ليفربول الإنجليزي محمد صلاح، ولزوجته السيدة ماجي صادق، بعدما أثارت جدل واسع حولها بعد طلبها الزواج منه خلال الفترة الماضية بعد فوزه بجائزة أفضل لاعب في الدوري الإنجليزي الأحد الماضي تحديدًا.
وغرّدت النجمة الاستعراضية سما المصري أمس الخميس، عبر حسابها على موقع التواصل الاجتماعي “إنستجرام” فقالت: ” شفت برنامج جابر القرموطي وسمعت مداخلة عمدة “نجريج” قرية محمد صلاح، ولما سأله الاستاذ القرموطي عن رأيه في أشعة طلب زواج سما المصري من محمد صلاح، رد العمدة وقاله “لا تعليق” وكان باين من صوته أنه زعلان “.
وأضافت الفنانة الاستعراضية، عبر “إنستجرام” : ” بص ياعمدة حقك عليا، وحقق صلاح ومراته على راسي بجد، وحق أهل أعظم لاعب في العالم على راسي بجد، وحقكم كلكم عليا وأنا والله عمري ما توقعت أن الموضوع يوصل للدرجة دي أبدًا، أنا حسيت بحاجة وقولتها عندي هنا على الصفحة مش في الإعلام ولا الصحافة بس الصحفيين هم اللي أخدوا الأخبار من هنا من عندي “.
وتابعت سما المصري: ” ياحضرة العمدة، صلاح حبيبنا كلنا مش حبيبي أنا بس، ولو زعلك أنت ولا حد من أهله فأنا ما أقدرش على كدا أبدًا ووعد أني مش هانزل أي بوست تاني يخص صلاح، أو يخضني عشان ما أجرحش مشاعر حد، الموضوع كبر وهو موضوع تافه بس عتابي عليك وعلى المذيع القرموطي المحترم، أنه مايصحش أني اتقارن بآيات العرابي، ولا ليبرمان الإسرائيلي وتقولي أني باشتت تفكير صلاح بالكلام دا زي هم ما بيعملوا “.
واختتمت تدوينتها: ” أنا طلبت الجواز عادي وما كنتش فاكرة أن الموضوع هيزعل ناس وأهل بلده كدا، حق كل قرية نجريج على راسي وحق صلاح ومراته على عنيا، أنا بجد أسفة أرجوكم أقبلوا أسفي واعتذاري واعتبروني كنت بهرج وأنا إنسانة مجنونة ومريضة، وصلاح دا أحسن حاجة حصلت في مصر وربنا يخليه لمراته وبنته وأسرته، ويخليخ لمصر كلها، وأنا أسفة بجد لكل اللي بيحبوه كمان “.
