أعرب الفنان أيمن بهجت قمر عن غضبه الشديد من أحد المطربين المصريين الذي قال انه يحب مصر وسيغني لها بـ٣٠٠ ألف دولار وقام بنقده والسخرية منه عبر صفحته الرسمية على موقع التواصل الاجتماعي “فيسبوك”.
حيث وجه له رسالة قائلا:” إلى المطرب الغير مصري اللي كل ما بنطلبه في أغاني بيطلب مبالغ عاليه جدا وبآلافات الدولارات
لو انت غالي ومش قادرين على سعرك.. إحنا أغلى منك وبرضه مش هتقدر بعد كده على سعرنا.. إحنا مش رخاص يا غالي .. ومحدش يقوللي مين.. هو عارف نفسه”.
وتابع قائلا:”بحب مصر وهغني لها ب ٣٠٠ ألف دولار.. أقسم بالله لو حد دفع ف أغنيه وطنيه ٣٠٠ ألف دولار يبقى احنا ربنا هيحاسبنا ..ما نبني مدرسه بقى أحسن مليون مره .. سكت لك كتير وعديت لك كتير.. اخس على قلة الأصل”.
ليلقى بعد هذا هجوم حاد من احد متابعيه معلقا على التدوينة قائلا:”عادي يا نجم انا أعرف شاعر طلبت منه حاجه لسيدنا النبي صلي الله عليه وسلم وكبر دماغه علشان من غير فلوس خالص.
ليرد عليه ايمن بهجت بعنف قائلا:” متظلمش حد ف منطقة النبي عشان ما دخلتش ف النوايا، ولو بترمي كلام عليا انا ولا حاجه مع اني مش فاكر مش أيمن بهجت اللي مابيكتبش عشان الفلوس واسأل شوف بنهادي الناس ازاي”.
ليعود هذا الشخص ويرد قائلا:” أي نوايا ؟ سيدنا النبي مش خساره فيه كل الكلام ، سيدنا النبي صلى الله عليه وسلم مش خسارة إن الشاعر اللي طلبت منه كلمات يمكن يكون مستهيفني إنما كان ممكن يرفض لسوء اللحن بعد ما يسمعه …المهم ربنا كبير فوق أي كلام ومصر فيها شعرا كتير اوى ومطربين كتير قوي وملحنين أكتر إنما النبي واحد ومش هيكفيه أي كلام ولا أي حاجه، ياريتك تبعتلي حضرتك كلمات لسيدنا رسول الله بدون اي مقابل”.
الأمر الذ
ي جعل أيمن بهجت قمر كاد أن يفقد أعصابه ورد عليه قائلا: “عملت حاجات بدون مقابل ومش في حاجه اني اقولهالك وانت مش محامي النبي ولا معاك توكيل عشان اللي مايديلكش كلام للنبي تغلط فيه وتشهر بيه عيب وحتى لو ماتقصدنيش”.
