أصبحنا نرى سيارات تنزل الاسواق مع أكثر من علامة، مثل السوزوكي سيازوالتي تقدمت في السوق المصري مرة ثانية باسم بيلتا مع تويوتا فكيف يحدث ذلك وما الفرق بينهما تابعونا من خلال التقرير التالي:
كلنا عارفين عقد الشراكة الي تم ما بين تويوتا و سوزوكي في أغسطس 2019 ودا كان بغرض تطوير أنظمة تكنولوجيا وكمان الاشتراك في عمليات التصنيع وإنتاج الخاصة بـتويوتا.
ونتج عن الشراكة دي تصنيع موديل سياز من سوزوكي في الهند تحت اسم و علامة تويوتا..العربيتين تقريبا نفس المواصفات مع اختلافات بسيطة و دا الي بيحير الي بيفكر يشتري.
طب نتكلم الاول عن المحرك: بتعتمد «سوزوكي سياز» و«تويوتا بيلتا» على محرك 4 سلندر، سعة 1500 سى سى، بيطلع قوة 104 حصان وعزم دوران 138 نيوتن في المتر، و متوصل بفتيس اوتوماتيك اربع سرعات .. و كمان العربيتين ليهم نفس قاعدة البناء و الشاسية و الابعاد بتاعت العربيتين واحده .
و نروح لتاني حاجة و هيا عوامل الامان و السلامة : العربيتين بيجوا بـ 2 وسائد هوائية للسائق و الراكب الامامي .. نظام الفرامل المانعة للانغلاق ABSوتوزيع إلكترونى للفرامل EBD- وأنظمة مساعدة للفرامل وأنظمة إنذار ضد السرقات ونظام إيموبليزر ضد السرقة.
و تالت حاجة نتكلم فيها و هيا المواصفات الخارجية:و العربيتين بيتقدموا بچنوط 16 بوصة – ومصابيح ضباب أمامية وخلفية بإضاءة LED مع إمكانية التحكم فى ضبط مستوى الاضاءة – وزجاج فامية – ومرايات جانبية كهربائية – ومقابض الأبواب من الكروم -و حساسات ركن خلفية مع وجود كاميرا خلفية
ونروح لرابع حاجة و هيا داخلية العربيتين :العربيتين بيتقدموا بنفس التجهيزات و المواصفات الداخلية مع اختلاف الفئات بس، ومنها طارة مالتي فانكشن جلد – ومثبت سرعة – وتكيف هواء أتوماتيك – وزرار تشغيل المحرك – و إمكانية فتح وغلق السيارة بدون مفتاح – ومرآة ذاتية التعتيم – وكراسي من الجلد – وزجاج كهربائى – وشاشة 4.2 بوصة – بلوتوث.
و نروح لاخر حاجة و هيا الاسعار:السوزوكي سياز بتتقدم من خلال فئتين الاولي بسعر 495 الف جنية و التانيه بسعر 545 الف جنية.
و التويوتا بيلتا بتتقدم من خلال فئتين برضو بسعر 490 الف للفئة الاولي و التانية بسعر 545 الف جنية، طيب لما العربيتين متشاركيين في كل حاجة، حتي الاسعار و الفئات، فين الاختلاف .
الاختلاف و الفرق بينهم في العلامة الي العربية معاها تويوتا و لا سوزوكي، والوكيل الي معاه العربية و الضمان الي بيقدمه و خدمة ما بعد البيع .
دي كل الي انت محتاج تعرفه عن السوزوكي سياز و التويوتا بيلتا. و القرار في الاخر ليك ، تابعونا علي الاموال بلس عشان يوصلكوا كل جديد.
