أخويا دخل فى تحدى مع صحابه!فجأة تعب ولما حاولنا نعرف السبب..كانت الصدمة!هو كان بيحب الأندومى الكورى الحراق وكان بيجيبه بكميات كبيرة وبياكله كل يوم!الشطة هى السبب فى رحيله!بهدلتله الكلى والمرارة
هذه كانت أخر تصريحات للبلوجر شريهان يوسف أخت الولد الذى رحل الساعات اللى فاتت بسب الأندومى الكورى..خبر رحيله كان صدمة لكل الناس!
دايما بنسمع كتير عن أضراره ،ولكن عمرنا ما شوفنا حالة حصلها حاجة بسببه!إزاى الأندومى الكورى كان السبب فى رحيله ؟أخته تكشف اللحظات الأخيرة فى أخر 5 أيام فى حياته!اللى قالته مفاجأة..
خالوا بالكوا من عيالكوا..متخلهمش ياكلوا أندومى ..أنا أخويا كان زى شباب صغير كتير بيحب الأندومى ..ربنا ما يكتبها على حد أبدا! ميتعزش على اللى خلقه..الله يرحمك يا حبيبى فى الجنة ونعيمها..
صدمة كبيرة عاشتها البلوحر شريهان يوسف الساعات اللى فاتت..والحقيقة جمهور السوشيال ميديا كلهم..والموضوع مش إنه شاب أكل حاجة وكانت السبب فى رحيله والله يرحمه وخلاص !لأ رحيل أخوها سبب رعب لناس كتير ،لإنهم يقالهم سنين بياكلوه ومحصلش لهم أى مضاعفات زى اللى حصلت لأخوها! فياترى إيه السبب؟
شريهان فى مداخلة هاتفية فى برنامج صالة التحرير على قناة صدى البلد قالت:أن رحيله كان بسبب الأندومى الحراق.أخويا أكل وجبة كبيرة منه ،كان داخل فى سباق وتحدى مع أصحابه على اللى يقدر ياكله!كانوا بيقلدوا الفيدوهات اللى على التيك توك..والأندومى ده بيتباع فى كل الأكشاك.
أخويا تم إسعافه وسط معاناة لمدة 5 أيام متواصلة لحد ما أمر الله نفذ وتلفظ أنفاسه الأخيرة!
شريهان قالت إن اللى حصل لأخوها هو ألتهابات شديدة وصديد فى المعدة وحالته كانت بتتتدهور يوم بعد يوم!
لما لاقيت حالته بتسوء مش يتتحسن حاولت توصل لأصدقائه علشان تعرف الى حصل ؟والتفاصيل خاصة إنهم أكلوا معاه فى نفس الوقت!لكن للأسف لحد دلوقتى مش عارفة توصل لهم خالص علشان تعرف القصة الكاملة لرحيله!
كل اللى شريهان تعرفه لحد دلوقتى إنه لما رجع قال لمامته إن بطنه وجعاه!وفضل يرجع كتير جدا،لدرجة إنهم جريوا به على المستشفى!الدكاترة طمنوهم وقالولهم شوية إلتهابات وهيبقى زى الفل!
الولد فضل تعبان طول الليل ومش عارف ينام وبيرجع بطريقة تخض! راحوا به المستشفى للمرة التانية ..عمل تحاليل وأشعة أكتشفوا إن الأملاح نسبتها كبيرة فى جسمه وفى صديد على الكلية ..مكانش ظاهر له أوردة يحط المحاليل فيها ..حطولهم الكانولا فى رقبته!
والدته حالتها صعبة جدا ..ربنا يلطف بها ،ويرحم أخوها الصغير ،ويكون نموذج أو عبرة لكل الناس إنهم يمنعوا أكل الشعرية سريعة التحضير بكل أنواعها..الحراقة واللى مش حراقة!
وده اللى شريهان نصحت به كل الأباء والأمهات أنهم يمنعوا عيالهم من اكل الاندومي خاصة الكورى..الللى كان السبب فى رحيله!
شريهان صرحت لموقع القاهرة 24 إ أنهم اتخذوا إجراءات قانونية ضد شركة الشعرية الكورية،و أن أكياس المنتج ده مكتوب عليها تحذيرات من تناولها، وعلى الرغم من ده موجودة في كل مكان، وأي شخص يقدر يشتريها ، دى بتتباع في السوق ب 85 جنيه
كمان قالت إنها مش عايزة مقابل مادى و تعويض، لكن كل هدفها هو توعية الناس وتحذيرهم من المنتج ده،
الحقيقة إن دى مش أول مرة يكون الأندومى متصدر التريند..الفترة اللى فاتت إنتشرت أخبار كتير وجدل كبير على أضراره..وطلعت أمهات كتير بتقول إن حصل تسمم لأولادهم بسببه وألم فى المعدة كانت من أكتر الأعراض اللى ظهرت عليهم .
علشان كده هيئة سلامة الغذاء المصرية سحبت عينات من الشعرية سريعة التحضير الموجودة فى الأسواق وحللتها علشان تتأكد من سلامتها!
الأندومى زيه زى كل الوجبات السريعة اللى لها أثار مضرة على صحة الإنسان ،ومفيهاش أى قيمة غذائية ,,ده غير السعرات الحرارية الكتير.. وقالوا إنه مسبب للإصابة بالكانسر! وبيعمل تسمم وتلف فى خلايا المخ!وشلل رعاش وصداع وقئ وحساسية وهبوط حاد فى الدورة الدموية وبكده يفارق الحياة! فجايز يكون السبب فعلا فى الإصابة خاصة إنها كلها مواد مصنعة!
كلها أعمار وبتخلص ..ومقيش حد يعرف إن أكله معينة ممكن تكون سبب رحيل حد ولا لأ ..بس ناخد بالأسباب وناكل الأكل الصحى المفيد،ونأخد بالنا مع أولادها وطريقة أكلهم ،والصحبة اللى حواليهم ،والفيديوهات اللى بيشفوها ويقلدوها ..خاصة بعد ما شريهان قالت إن أخوها كان بيعمل تحدى مع صحابه اللى لما تعب إختفوا ومتعرفش لهم مكان!
