دايما الأخبار التي نسمع عنها تكون عن العمالة المصرية فى الكويت المغتربين المقيمين فى الكويت ،لكن هذه المرة عن الكويتين فى مصر.الكويتين المغتربين المقيمن فى مصر .
الطلبة الكويتنين ..هتقولولى تانى؟ لا المرة دى مش خناقة بينهم ، زى ما حصل الفترة اللى فاتت ..المرة دى المشكلة خاصة بدراستهم فى مصر ..ياترى حصل لهم إيه بالظبط؟ وليه تم حجب نتيجتهم بالطريقة دى ؟ والغريب إن كل الكويتين من نفس الكلية ونفس القسم كمان ..ياترى مقصودة؟ولا فعلا يستحقوا حجب النتيجة؟ تفاصيل كتير تهمك وتهم كل كويتى فى مصر وبره مصر تابعونا ..
طول عمر الشعب المصرى والكويتى العلاقة بينهم علاقة ود وحب ،وإيد واحدة ،وكل الكوايتيين بيحبوا مصر وأهلها والعكس صحيح كمان كل المصريين بيحيبوا الكويت وشعبها ومن زمان جدا..
ولكن زى أى إنسان فى بلده أو بلد تانية ممكن يتعرض لمواقف ممكن تكون ضده أحيانا، الحياة مش وردية طول الوقت ..بغض النظر عن مصرى فى الكويت ،أو كويتى فى مصر .. خلينا متفقين إن مفيش فرق بينهم إطلاقا ..
لكن اللى حصل الساعات اللى فاتت ،قلب الدنيا وقلب كل السوشيال ميديا..وحصلت ضجة كبيرة والبعض قال وإيه اللى جاب الكوايته يدرسوا هنا؟ حط نفسك مكان كل طالب كويتى متغرب يا أخى جاى مصر يدرس وتم التعامل معاه بالطريقة ده وتم حجب نتيجته هو وكل كويتى زيه؟ هيكون ردك كده بردوا ؟ هتوافق إن مصرى يقول عليك كده ..
كل الى حصل إن حساب تفتيش الكويت على تويتر نشر تويته إن
الى بيحصل أمر غريب بجامعة القاهرة كلية الحقوق،تم حجب النتيجة ورسوب جماعى للطلبة بمرحلة الماجيستير تخصص القانون ..ما يصير بعد كل الطلبة غلط وما يفهمون بالدراسة ؟
من بعد إنتشار الخبر ،والدنيا إتقلبت على توبتر .والكل بقى يسأل عن السبب ،ماهو مش معقول الكويتين كلهم مرة واحد يسقطوا والنتيجة تتحجب ..والكل قال مصرى وغير مصرى أكيد الموضوع فيه إن ..
وده طبعا حصل بعدما اعلنت كلية الحقوق جامعة القاهرة فى منشور على حسابها الرسمى على الفيسبوك عن نتيجة دبلوم القانون الخاص لدورة جانفى 2023.
بعض الجماهير على السوشيال ميديا من الكويتين قالوا إن الموضوع مش مقتصر على جامعة القاهرة بس ولكن كمان حصل فى جانعة المنصورة تخصص ماجيتسر محاسبة رسوب جماعى وحجب النتيجة بردوا ..
وقالوا إن الملحق الثقافى مستجابش لهم ولا حصل تحرك تجاة الموضوع ..وكانوا شايفين إن هم الملحق الثقافى إلغاء الإعتراف بالجامعات ،وإجبار الطلبة إنهم يكملوا بنفس الجامعة السيئة .. وده على حد قولهم
وبقوا يسألوا ومستغربين ..إيه دور رئيس المكتب الثقافى أحمد المطيرى؟على إعتبار إن المكتب الثقافى التابع لسفارة الكويت بمصر، هو المتهتم رسميا بمتابعة شئون وأخبار المنبعثين من الطلبة الكويتين فى مصر ..ولحد دلوقتى مفيش أى توضيح لكل اللى بيحصل ولا عارفين الهدف من ده إيه ..
ورجحوا السبب ممكن يكون إنهم عايزين يتمكنوا من السيطرة على عقود المحاكم الكويتية فسقطوا كل الطلبة الكويتين ..
وبيطالبوا الملحق الثقافي الكويتي بالتحرك وبيان الاسباب وسرعة إنهاء المشكلة قبل اختبارات الشفوي..
حتى كمان رئيس جامعة القاهرة مأصدرتش اى بيان توضح فيه اللى حصل ولا حقيقة المنشورات المتداولة بين الطلبة الكويتين ولا السبب إيه؟
وإنقسمت الأراء بين :
فى اللى شايف إن جامعة القاهرة هى الجامعة الوحيدة فى العالم اللى فيها الطالب الكويتى له سعر خاص ،حتى الخليجى بيدفع نص الكويتى..يعنى الفكرة بالمكتب الثقافى قبل أى حاجة.. ،والموضوع مش موضوع مصاريف خالص
وفى اللى إنتقد المبالغة اللى عملوها الطلبة الكوييتن وقالوا إن مستوى الجامعات المصرية عال .وده السبب ورا الرسوب الجماعى اللى بيتكلموا فيه ده ,,وكمان هم خريجين من جامعات غير معترف بها ،وبعد التخرج بيكملوا دراستهم فى جامعة القاهرة وهى من أصعب الجامعات فطبيعى تكون دى النتيجة .. مش حكاية إستقصاد زى ما إتقال
الغريب إنها مش المرة الأولى اللى تحصل للطلبة الكوايتين كده ..حصلت فى 2017 وكانت من جامعات مختلفة ونسبة الرسوب تخطت ال50% فده يعتبر رسوب جماعى وده حسب ما نشرته جريدة القبس الكويتية ..
أنتوا بقى مع أى رأى من الأراء دى .. ممكن يكون السبب فى الرسوب الجماعى وحجب النتيجة إيه ؟ وليه مفيش لحد دلوقتى تدخل من الجهات المسؤولة لحل الأزمة دى؟ شاركونا فى التعليقات ..
