لو نفسك تحج وتحمل هم المصاريف وكيف تدفع رسوم الحج خاصة بعد ارتفاع تكاليف المعيشة بسبب تراجع الجنيه أمام الدولار يفإن بنك مصر وبنك فيصل الإسلامي قدم الحل والذي يساعدك في سداد مصروفات السفر والإقامة خلال أداء فريضة الحج.
بنك مصر وفيصل الإسلامي بيقدموا فرصة ما تتعوضش لعملاءهم وهي إنهم ممكن يحصلوا على تمويلات لسداد مصروفات السفر والإقامة خلال أداء فريضة الحج في السعودية بقيمة توصل لـ 500 ألف جنيه.
ودي عبارة عن قروض التجزئة المصرفية اللي بيقدمها البنوك دي للأفراد خاصة بعد ارتفاع تكلفة المعيشة بسبب تراجع قيمة الجنيه أمام الدولار.
ولو بتسأل عن قيمة قروض الحج في بنكي مصر وفيصل الإسلامي فـ بنك مصر بيقدم قرض بيوصل لـ 400 ألف جنيه كحد أقصى، والميزة إن فترة السداد بتوصل لـ 10 سنين، يعني هتدفع على أقل من مهلك.
كمان المميز إن سن العميل بيشترط إنه يكون من 21 عاما لـ 60 عاما عند سداد آخر قسط، وأحيانا كمان بيوصل إلى 65 عاما في بعض المهن.
أما بقا لو خايف من المصاريف الإدارية وحاسس إنها ممكن تكون كتيرة، فـ أحب أطمنك وده لأن المصاريف الإدارية بتكون 1.5% بس من إجمالي قيمة القرض وبتتخصم مرة واحدة.
ولو بتسأل عن سعر الفائدة فـ بتبدأ من 21% سنويا وبتكون متناقصة.أما بقا لو عايز تفاصيل قرض الحج من بنك فيصل الإسلامي، فـ الجميل بقا إن قيمة التمويل بتوصل لـ 500 ألف جنيه كحد أقصى.
أما بقى فترة السداد فبتكون 5 سنين.وسن العميل لازم يكون من 21 عاما إلى 60 عاما عند سداد آخر قسط من التمويل.أما بقا بالنسبة لـ المصاريف الإدارية فالبنك بيحدد نسبة بسيطة من إجمالي قيمة التمويل.أما سعر العائد فـ بتزيد 2% فوق سعر الإقراض لدى المركزي عشان تكون 21.25% سنويا متناقصة.
شروط الحصول على قرض الحج
في الأول لازم تعرف إنه بتخضع موافقة البنك على تقديم قرض للحج للعميل بعد حصوله علي كافة المستندات المطلوبة
والمستندات دي بتكون عبارة عن :
– صورة بطاقة الرقم القومي سارية.
– أصل إيصال مرافق على مقر إقامة العميل (غاز – كهرباء -مياه -تليفون).
– عرض سعر معتمد من الشركة / الشركات.
– أما بالنسبة للموظفين ف لازم يكون معاهم شهادة مفردات الراتب الشهري، وتعهد جهة العمل بتحويل الراتب أو القسط الشهري
و بالنسبة لأصحاب المهن الحرة والأنشطة التجارية والصناعية فدول لازم يجيبوا معاهم صورة البطاقة الضريبية-صورة ترخيص/ تصريح مزاولة المهنة (للمهن الحرة)- صورة مستخرج رسمي حديث من السجل التجاري- كشف حساب بنكي لمدة 6 أشهر.
والسنة دي شركة مصر للطيران أعلنت في إخطار رسمي ليها بعتته لشركات السياحة إنها تلقت تعليمات جديدة من سلطات الطيران المدني السعودي بمواعيد بدء استقبال موسم رحلات الحج واللي هتكون بداية من يوم 21 مايو الحالي ولحد يوم 22 يونيو الجاي.
أما مواعيد مغادرة الحجاج هتكون من خلال الفترة من يوم 2 يونيو ولحد 2 أغسطس الجاي، دلوقتي قولنا هل سمعت عن قرض الحج قبل كده؟ وياترى ممكن تقدم عليه؟ ها
