انتشرت العديد من الأخبار عن منع المصريين في الكويت من شراء أكل وبضائع من السوبر ماركت، فما حقيقة هذا الأمر وما تعليق الحكومة الكويتية بشأن ذلك؟ تابعونا من اجل معرة التفاصيل:
لو أنت فى الكويت أو ليك حد هناك، ضرورى ضرورى تسمع الفيديو ده للأخر، عشان تعرف تجيب أكل تاكل طول شهر رمضان، ما هو سعره، اكيد هيتم منعك، مافيش ولا سوبر ماركت كويتى هيدخلك على الرغم من أن الكويته هتلاقيهم داخلين قدامك يجيبوا بضاعتهم ولا حد منعهم، ما هى البلد بلدهم بقى، بس فى الموضوع حكاية.
فيه كلام كتير دلوقتى على السوشيال ميديا وخصوصا على تويتر أن المصريين فى الكويت دلوقتى مش لاقيين ياكلوا زى الناس، الكل بيشترى أكل براحته من الكويته، أنما المصريين ياعينى عليهم مش عارفين يجيبوا حتى علبة لبن من اللى مخفض سعرها.
المجمعات الاستهلاكية الكويته دلوقتى مطلعين قرار بينهم كده أنهم مايدوش ولا مصرى أى أكل ولا بضاعة طول شهر رمضان، قال أيه مخزنين البضاعة للكويته بس، على الرغم من البضاعه هناك ماليه المحلات عادى، بس البضاعه الممنوعه على المصريين دى هى اللى سعرها مخفض، قيمة النص تقريبا، وعشان سعرها كده كان عليها سحب كتير، وده تقريبا اللى خلى الكويته يمنعوا الشراء منها على المصريين.
المهم من هنا لهنا المصريين اللى هناك عملوا قلق على السوشيال ميديا، عرفوا كل العالم بيهم وأن الكويت فيها سوبرماركت بتمنعهم من شراء البضاعة بسعر مخفض فى رمضان زى ما كانت بتعمل قبل كده، وشكل كده كلامهم جاب نتيجه ورئيس جميعة حماية المستهلك الكويته “مشعل المانع” طلع وهزق كل السوبرماركت اللى بتعمل كده، وقال أن مش من حقهم يعملوا كده مع المصريين ولا غير المصريين، وأن اللى بيعمل كده مخالف للقانون ويجب عقابه، و اعلن هوا بنفسه عن اماكن مسموح بيها للمصريين يشتروا منها براحتهم بدون ماحد يوقفهم ولا يمنعهم.
وأكد أن المحلات دى لو ما التزمتش بالتعاون مع المصريين ده هيعتبر مخالف لقانون حماية المستهلك، وهيتعاقب اللى بيعمل كده مع المصريين، العقاب ده هيكون غرامة مالية كبيرة، وكمان غلق المحل أو السوبر ماركت، وهيتم تشكيل لجنة لمتابعة المحلات دى واللى بيجرى فيها وأى مصرى موجود فى الكويت يقدر بكل بساطة يتواصل مع اللجنه دى أو يبعتلها وهى هتقوم باللازم كله، تنزل وتفتش وتطلع قراراتها بغلق المحال.
تفتكرو أنتم بقى دلوقتى الكويته بيعملوا مع المصريين اللى هناك كده ليه، عايزين منهم ايه وعايزين يغصبوهم على إيه، يعنى بدل ما يساعدوهم ويقفوا معاهم باعتبار أننا أمة واحدة وساعدنا الكويت كتير على مر السنين اللى فاتت، يقوموا هما دلوقتى يمشوا المصريين من شغلهم وكمان يضيقوا عليهم في الأكل والشرب، بزمتكم ده كلام يحصل من اخوه عرب زى بعض، الكل يقول ويكتب رأيه ياجماعة فى التعليقات.
