من الموضوعات التيى تشغل المصريين المقيمين فى الخارج هى فكرة رسوم الإقامة لدخول الدولة أو الخروج منها ، فإذا كنت تفكر في السفر إلى الكويت أو الإقامة بها، أو بالفعل مصرى مقيم هناك وتريد أن تجدد إقامتك لابد أن تتابع التقرير التالي لمعرفة أخر المستجدات:
الكويت من أكتر الدول اللى فيها نسبة مصريين كتير كعمالة مصرية،ولكن فى بعض الأخبار اللى إنتشرت الساعات اللى فاتت عن تغييرات فى سعر رسوم الإقامة للمصريين فى الكويت،وده أثار الغصب والتوتر فى المصريين المقيمن فى الكويت ،واللى فى مصر سواء بيخطط يسافر الفترة الجاية أو أهالى المقيمين هنا فى مصر.
الحقيقة إن السلطات الكوييتية فرضت قرار برفع الرسوم الخاصة بدخول المصريين للكويت وكمان خروجهم من الأراضى الكويتيتة ،طبعا ده من قرار وخلاص لا ،الكويت عملت كده لأن السلطات المصرية فرضت رسوم على دخول الكويتين لمصر السنة اللى فاتت ووصلت لحوالى 25 دولار..
قالولك واحدة بواحدة بقى وزى ما الكويتى يدفع وهو داخل مصر ،المصرى يدفع وهو داخل الكويت ..
طيب السؤال المهم ياترى الرسوم دى قد إيه؟السلطات الكويتية أعلنت إن الرسوم دى هتكون 9 دنانير عن كل مصرى موجود فى الكويت،يعمى بالمصرى كده حوالى 570 جنيه ،تدفعهم عند الدخول أو الخروج من الكويت ،وتم الإعلان عن تطبيق الرسوم دى من شهر 10 اللى فات سنة 2022.
ومن الوقت اللى أعلنت فيه الحكومة الكويتية القرار ده، وتلقى جميع العاملين فى مطارات الكويت ،والمنافذ البرية تعليمات مشددة بضرورة تطبيق قرار الرسوم الجديدة المفروضة على المصريين سواء كانوا مغادرين الكويت او وافدين لها،وحذرت السلطات إن أى حد هيخالف التعليمات دى هيعرض نفسه لعقوبة ومسائلة قانونية .
دخلت الكويت ودفعت الرسوم ،فى بقى شروط جديدة علشان تقدر تبقى مقيم مصرى فى الكويت ..
فى مجموعة من المستندات لازن تكون معاك زى إذن العمل من وزارة الشئون الإجتماعية والعمل ،شهادة صحية أو الضمان الصحى،شهادة خلو من الأمراض،صورة لإعتماد التوقيع للكفيل، 2 صورة شخصية ،سمة دخول، صحيفة للحالة الجنائية، وجواز السفر بتاعك الأصلى.
طيب لو إنت مقيم وعايز تجدد الإقامة بتاعتك إيه هى الرسوم وإزاى تجددها؟بص ياسيدى فى حالة لو إنت عايز تجدد إقامتك فى الكويت ،وزارة الداخلية الكويتية بتحدد مبلغ مالى بيختلف بإختلاف حالة الوافد ونوع التاشيرة بتاعته..
عندك مثلا تجديد الإقامة للزوجة والأبناء هتدفع 10 دينار كويتى ،ولو تجديد إقامة للعائلين هتكون 200 دينار كويتى
تقدر تجدد الإقامة بكل سهولة من على موقع وزارة الداخلية ،هتدخل على صفحة الخدمات الموجودة أسفل الصفحة وهتحتار خدمة تجديد إقامة أفراد ،بعدين تدخل بيانات الشخص اللى عايز تجدد إقامته ،وتحدد إسم العائل وأخيرا هتدفع الرسوم المطلوبة حسب حالتك كوافد .بعد كده هتروح الهيئة العامة للمعلومات المدنية علشان تاخد البطاقة المدينة الجديدة .
الكويت تعتبر من الدول اللى أغلب المصريين بيسافروا لها كعمالة مصرية هناك،ومن أكتر الحاجات اللى ممكن تقف قدام كل وافد مصرى عايز يسافر الكويت هى الدخول للكويت لأول مرة ،لإن الرسوم وصلت لحوالى 1600 دينار يعنى بالمصرى كده اكتر من 160 ألف جنيه .
