غردت الفنانة سما المصري ، عبر حسابها الشخصي عبر موقع التواصل الاجتماعي “إنستجرام”، للتعليق على الحكم الصادر ضد الإعلامية ريهام سعيد، على خلفية خطفها لطفلين لعمل سبق إعلامي في برنامجها “صبايا الخير”.
وعلقت الفنانة سما المصري، على حكم حبس ريهام سعيد 4 أيام على ذمة التحقيق، فقالت: ” اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا، أنا مش شمتانة أنا بس حبيت أوريكم أن البلد دي فيها قانون “.
وأضافت خلال تغريدتها: ” أنا طرحت الموضوع دا قبل كدا عليكم وأنتم ماصدقتوش ومحدش هان عليه يقول كلمة حق ويقول إن الست دي غلطانة وبتتاجر بأمراض الناس، والإعلام بتاعنا بقي يتاجر للأسف بكل حاجة حتى بدم أطفالنا وسمعة ستات مصر “.
وأوضحت : ” ستات مصر ياأستاذة ريهام مش اللي أنتي بتجبيهم عندك في البرنامج، هم مش دواعر ولا بتخون جوزها ولا لابساها عفريت ولا عنيها بتجيب دم ولا ملحدة ولا عندها صرع ولا ليها صور مش حلوة مع شاب زي فتاة المول “.
واستكملت سما المصري خلال تغريدتها على “إنستجرام”: ” ستات مصر أنضف من كده بكتير أوي ومحدش عارف اللي حصلك دا ذنب مين ولا مين، ربنا ينجيكي بقا لو كنتي مظلومة وينتقم منك لو كنتي ظلمتي حد، فضيحة الولايا مش سهلة وربنا منتقم جبار وأتمنى أنك تطلعي مظلومة من القضية دي لأنها مش سهلة ولو جربتي حرقة دم الأمهات على عيالها اللي بتتخطف ماكنتيش فكرتي تعملي سبق صحفي عن الموضوع دا وتخلي واحد بجد يخطف عيال الناس “.
وحذرت سما المصري خلال تغريدتها: ” خلوا بالكم من عيالكم والأهم تخلوا بالكم من الإعلام بتاعنا لأن معظمه بقى شمال والنضيف منه بيخاف يقول الحقيقة عشان المصالح وعشان العلاقات وعشان حاجات كتير أوي بس البلد دي فيها قانون قادر يجيب حق الغلبان، الغلبان في البلد دي ملهوش غير ربنا والقانون، اللهم لا شماتة “.
