شهدت حلقة اليوم من العرض المسرحي «مسرح مصر» أزمة بين الفنان الشاب حمدي الميرغني وزوجته الفنانة الشابة إسراء عبدالفتاح.
وظهرت الفنانة إسراء عبدالفتاح في أحد المشاهد برفقة الممثل كريم عفيفي، حيث سخرت من زوجها الفنان حمدي الميرغني قائلة: «أنا في مرة طلت من ماما إنها تجوزني واحد سنانه واقعة وجوزتهوني».
وقالت إسراء: «لأ خلاص تمام.. أمي عامة مش بترفض لي أي طلب خالص.. في مرة عجبني بنطلون من لندن جابتهولي على طول، ومرة طلبت جزمة جابتهالي من باريس.. لأ وكمان عجبني واحد سنته مكسورة جابتهولي اتجوزته».
ليرد عليها كريم عفيفي قائلًا: «أيوة عارفه ده صاحبي.. مقاس 43 بني»، ليقتحم عليهم حمدي الميرغني المسرح قائلًا: «لأ سيبوني ده في ضحك للركب هنا.. وجات لك الكحة دلوقتي، هتبقة الكحة أحلى لما تقعدي شهر عند أمك في البيت»، وسخر منه كريم عفيفي: «الناس فاكرة إن انت حمش ما يعرفوش».
