انتشرت مؤخرا مكرونة القواقع وأحبها الكثير من الناس لطعمها اللذيذ ولشكلها الجذاب، ويمكن طهيها بجانب أي نوع من البروتين إن كان لحوم أو دجاج، فإليكم طريقة عمل مكرونة القواقع المحشية بالفراخ مع الجبنة البارميزان
المكونات:
– 283 جرام مكرونة قواقع جامبو اكبر حجم.
– 340 جرام صدور فراخ, وممكن بدل الفراخ تبقى لحمة مفرومة, او حتى تشكيلة خضروات مسلوقة.
– 453 جرام جبنة ريكوتا كاملة الدسم.
– 1 كوباية جبنة بارميزان مبشورة.
– 1 ½ معلقة صغيرة توابل ايطالية.
– 3 كوبايات جنية موتزاريلا مبشورة.
– 2 ½ كوباية مارينارا صوص.
طريقة التحضير:
1- حطي رف في الفرن يكون في وسط الفرن وسخنيه على 200 درجة.
2- اسلقي المكرونة بالطريقة العادية في مية وملح لمدة 7 دقايق تقريبا, وبعدها ارفيعها من على النار واشطفيها تحت المية الباردة, وبعدين رصي المكرونة على ورق خبز او ورق زبدة جنب بعض.
3- حمري صدور الفراخ في بالبيض والبقسماط زي البانية, وقطعيها لشرايح كل شريحة على قد حجم المكرونة, وخليها في الطبق على جنب.
4- دلوقتي بقى هاتي طبق اخلطي فيها الجبنة الريكوتا, والبارميزان, والتوابل الايطالية, و 1 ½ كوباية من الجبنة الموتزاريلا, و ½ معلقة صغيرة ملح, نقلبهم كويس مع بعض, وبعدين ننقل الخليط في كيس بلاستيك, وقصي جزء صغير منه من جنب واحد.
5- هاتي الصينية اللي هتحطيها في الفرن حطي فيها كوباية من صلصة المارينارا وافرديها على الصينية كلها, وخدي قوقعة حطي فيها الخليط اللي حضرناه في الكيس واملي كل القواقع بالخليط ورصيهم جنب بعض في الصينية, وعلى كل قوقعة حطي شريحة فراخ, وبعدين حطي على الوش ال 1 ½ كوباية الباقية من صلصلة المارينارا, واخر حاجة ال 1 ½ كوباية الباقية من الجبنة الموتزاريلا.
6- حطي الصينية في الفرن من غير ما تغطيها, وسيبيها لحد ما الجبنة تسيح ويبقى لونها دهبي, هتاخد في الفرن حوالي 25 دقيقة.
طريقة تحضير صوص المارينارا:
المقادير:
– 400 جرام طماطم مطبوخة.
– 170 جرام صلصة طماطم.
– 4 معالق كبيرة بقدونس مفروم.
– فص ثوم مفروم.
– 1 معلقة صغيرة زعتر.
– 1 معلقة صغيرة ملح.
– ¼ معلقة صغيرة فلفل اسود.
– 6 معالق كبيرة زيت زيتون.
– 1/3 كوباية بصل متقطع مكعبات ناعم.
– ½ كوباية عصير طماطم.
الطريقة:
في الخلاط حطي الطماطم المطبوخة, وصلصة الطماطم, والبقدونس, والثوم, والزعتر, والملح, والفلفل, اضربيهم مع بعض لحد ما يبقى الخليط ناعم, في طاسة كبيرة او حلة حطي زيت الزيتون وشوحي فيه البصل لمدة دقيقتين, وبعدين ضيفي الخليط اللي انتي جهزتيه وعصير الطماطم, وسيبيهم على نار خفيفة لمدة 30 دقيقة, مع التقليب من وقت للتاني, وبعدين ارفعيها من على النار وسيبيها تبرد واحفظيها في برطمان في التلاجة للاستخدام.
