حلت الفنانة نجوي فؤاد ضيفة على برنامج قعدة ستات، الذى يقوم تقدمه الإعلامية مروة صبري ، ويذاع على مجموعة قنوات ألفا .
وعبر ت نجوي فؤاد عن غضبها من الراقصات الجدد المتواجدات على الساحة الفنية حاليًا بسبب ملابسهن .
وقالت نجوي فؤاد: دينا آخر العنقود في الراقصات، كنت أنا وفيفي عبده ودينا، وأنا دلوقتي سيبت الرقص، وأنا مشفتش حد من الراقصات الجداد الأجانب في مصر، ولا عندي استعداد أشوف حد منهم، أنا ممكن أقوم أضربها وهي عريانة كده، إزاي تبقى عريانة كده؟
وتابعت نجوى فؤاد: اللي الراقصات الجداد بيعملوه مش بتاعنا مينفعش يبقوا عريانين كده، والحركات اللي بيعملوها مالهاش علاقة بالرقص، الرقص ما هو إلا مشاعر بتطلع من الإنسان، وترجمة للغنوة.
على جانب آخر، كانت نجوى فؤاد أكدت أنها تواظب على قراءة القرآن الكريم في يوم الخميس من كل أسبوع، كما تحدثت عن فكرة ارتداء الحجاب.
وقالت نجوى فؤاد خلال لقائها في برنامج “تابوو” من تقديم نزار الفارس عبر قناة “دجلة”: “كل يوم خميس لازم اقرأ قرآن، إلا لو كنت عيانة ودا حصل في أيام قليلة، لازم ساعة أو ساعتين قرآن، احط الطرحة وابدأ أصلي ركعتين لله وأقعد اقرأ القرآن، لو كان عندي إيه يستنوني”.
وتابعت نجوى فؤاد: “قراءة القرآن بتثقف وتعلمك تاريخ بلدك وتفهمك دينك وتفهمك حاجات كتير جدا يمكن مأخدتهاش في الجامعة”.
يذكر أن آخر أعمال نجوى فؤاد مشاركتها في مسلسل “تلت التلاتة” وعرض في رمضان 2023.
مسلسل “تلت التلاتة” بطولة غادة عبد الرازق، محمد القس، أحمد مجدي، مي سليم، صلاح عبدالله، ليلى أحمد زاهر، تأليف هبة الحسينى، وإخراج حسن صالح.
