من منا لا يحلم بالسفر لعمل عمرة، ويشتاق لهذه الرحلة، ولكننا نحمل هم المصاريف، ولكن الآن يمكنك السفر لعمل عمرة بـ 30 ألف جنيه فقط وتقيم في أحسن الفنادق، فإذا كانت لديك الفلوس فيمكنك السفر لعمرة رجب، وفيما يلي سوف نوضح البرامج المتاحة لاختيار المناسب لك.
شهر رجب قرب، وناس كتير بيبقى نفسها تعمل عمرة في الوقت، ولان فعلا الطلبات زادت على سفر العمرة في السنة الجديدة.
قرر باسل السيسي، عضو الجمعية العمومية لغرفة شركات السياحة، يعلن عن اسعار سفر العمرة في شركات السياحة المعتمدة من الوزارة، ويقول كل التفاصيل عن السفر.
وقال ان اسعار العمرة في رجب بتختلف شوية حسب البرامج اللي مختارها المسافر، والفندق اللي هيقعد فيه، والمدة وكمان معاد السفر، لكن في العموم هي بتبدأ من أول 29 و 30 ألف جنيه للفرد الواحد، بس ممكن السعر يوصل لـ 50 و70 ألف جنيه، في فنادق الخمس نجوم .
لكن حب يوضح ان اقل سعر للعمرة في الفترة دي بيكون على مدار 14 ليلة بس، وخط سير السفر بيبقى من القاهرة لجدة على طول، وأقل تسكين في الفندق بيبقى رباعي.
لكن لو حابب ان الاوضة تبقى لـ 3 أفراد بس، يبقى السعر هيوصل لـ 35 ألف جنيه، أو تدفع 50 ألف جنيه وتبقوا اتنين بس في غرفة الفندق، لكن طبعا لو عايز تبقى لوحدك في الأوضة ده بيبقى له سعر أزيد.
يعني زي ما قولنا إن اختيارك للفندق، والاوضة هما اللي بيتحكموا في السعر، بمعنى انك لو اختارت فندق جودته أقل،السعر بيقل معاك ومش بيعدي الـ33 ألف جنيه.
لكن مهما كان البرنامج اللي هتختاره بالتكلفة، فهو هيكون شامل تأشيرة دخول المملكة والسفر وتذكرة الطيران، وطبعا زيارة المدينة المنورة.
وبيتوفرلك كمان مرشد بيكون معاك طول سفرك، وكمان انتقالات داخلية في البلد على حساب الشركة اللي حجزت معاها، وبتبقى باتوبيسات حديثة ومكيفة.وفي حالة لو السلطات السعودية أو المصرية، اضافوا أي ضريبة على رحلات العمرة، فهي بتضاف على السعر المُعلن.
طب في حالة انكم مسافرين ومش هتقدروا تسيبوا ابنكم لوحده ولازم يسافر معاكم، فبتحجزله برضو سفر للعمرة، ولو سنه من يوم لسنتين بيبقى السعر حوالي 14 ألف جنيه، ولو السن من سنتين لـ 12 سنة، تكلفة السفر بتوصل لـ 27 ألف جنيه.إنما لو سنه أكبر من كدا، خلاص ببتحاسب زيه زي أي فرد كبير.
وخلي بالك ان عمرة رجب 2023، ليها شروط مختلفة شوية عن أي سنة، يعني مثلا قبل السفر في شوية ورق بتجهز وأولهم خطاب ضمان، ولازم الوكيل السعودي يعتمد الخطاب ده عشان يتوافق على السفر. ولازم تعمل تحليل PCR، وتفعل باركود الشركة مع الوكيل السعودي
وعشان الناس مشتاقين لأداء فريضة العمرة، خصوصًا ان السنتين اللي فاتوا مكنش السفر متاح زي دلوقتي، اتحاد غرف السياحة وفروا أسعار متفاوتة بتناسب كل الفئات، وفي الشهرين اللي فاتوا سافر أكتر من 150 ألف معتمر
وفي النهاية تكلفة السفر كلها انت اللي بتحددها باختيارك للفندق وبرنامج السفر، ف يلا اختار اللي يناسبك، وعمرة مقبولة.
