كل يوم والثاني نسمع أحاديث عن العمالة المصرية في الكويت، وحديث اليوم به دولارات كثيرة للمصريين وفرصة العمر ووظيفة الأحلام، والمفاجأة أن بعض الكويتين غاضبون من منح هذه الوظائف للعمالة المصري، فما هي فرصة العمل التي نتحدث عنها ؟ تابعونا من خلال التقرير التالي لمعرفة التفاصيل:
غضب كبير قوى بين الشعب الكويتي بعد تردد أنباء عن استعانة الحكومة الكويتية بعمالة فنية من مصر للعمل فى فرصة هياخدوا عليها الاف دولارات لو تمت، وناس كتير كويتين كتبوا على تويتر بيهاجموا حكومتهم عشان استعانت بالعمالة المصرية.
فيهم اللى قال أحنا أولى وليه المصريين اللى ياخدوا الفرصة، الفرص دى فيها فلوس كتير والأولى بيها الشباب الكويتى، وأى وظيفة أو فرصة عمل فيها فلوس حلوه ضرورى على الحكومة تكلف بها الشباب كويتي.
ماعلينا من كلامهم ، الغريب أن فرصة العمل اللى بنتكلم عليها مش متاحه للمصريين بس، دى كمان متاحة للأمريكان وعمال من آسيا، فاشمعنا بقى الكلام أتوجه فقط للمصريين، الحقيقة مش عارفين بس يمكن عشان العمالة المصرية الأمهر في الشغل وبسبب مهارتهم دي دايما مطلوبين في الكويت وكل الدول.
نيجى بقى للسؤال المهم، إيه هي فرصة الشغل اللى بتجيب الاف الدولارات دى وبعض من الشعب الكويتى مستكترها على الشباب المصري، الفرصة دى وزى مابيقول موقع الأنباء الكويتى نقلا عن مصدر مسؤول، أنها عبارة عن مهندسين وعمال هيشتغلوا في شركات البترول الكويتية، وأن شركة النفط الكويتية ستطرح قريبا 7 عقود لجلب عمالة فنية ماهرة من عدة دول، هي : كندا والولايات المتحدة الأميركية ومصر وجنوب شرق آسيا ودول الخليج، لأجل العمل في التخصصات الفنية مثل عمليات الحفر والصيانة والاستكشاف والإنتاج والتخصصات الطبية والصحة والسلامة والبيئة والهندسة، بالإضافة لوظائف أخرى من المتوقع أن تطلبها الشركة خلال الفترة اللى جايه.
وفى نفس الوقت بين المصدر إن تعاقد شركة نفط الكويت لجلب العمالة من الدول اللى فاتت يأتي ضمن نطاق تجهيز السير الذاتية للمهندسين والفنيين، وده لملء الأماكن الفاضية اللى هتحتاجها الكويت مستقبلا.
واللى لازم تعرفوه بقى أن شركة نفط الكويت أكدت أنه هيكون فيه إجراءات صارمة في جلب العمال من حيث معيار الكفاءة والخبرة واللى ممكن تصل في بعض الأحيان لأكثر من 15 و20 سنة، وكمان أكدت أن التوظيف لا يشمل التخصصات الإدارية فا مفيش داعى للكويتين يزعلوا من اتاحة الفرص دى للمصريين.
وعن إزاي يمكن للمصريين العمل في الشركات دى، وضعت شركة نفط الكويت الطريقة اللى ها تستقبل بيها طلبات العمل، ووضحت أن المقاول الفائز بعقود العمل مع شركة النفط لتجهيز مشاريعها هو اللى عليه أنه يجيب العمالة وتزويد شركة نفط الكويت بالسير الذاتية للراغبين في العمل مسبقا قبل مايجيب العمالة للكويت.
ومش بس كده، ده كمان هيكون فيه مقابلات مع المرشحين للعمل قبل ما يسافروا الكويت، يعنى دلوقتى المفروض على كل مصري شايف انه يكون مناسب في فرصه العمل دى إنه يجهز ورقة ويضبط أموره عشان يبعته أول ما يتم الأعلان رسميا عن استقبال السير الذاتية.
لحد هنا ونكون وصلنا لنهاية الفيديو، وحابين ونقلنا ليكم فرصة العمل الكويسة المعروضة للمصريين فى الكويت، وفى نفس الوقت وضحنا رأى بعض الكوايته عن إتاحة الفرصة للمصريين واللى حابين خلال الفترة اللى جايه أنهم يكونوا في صف العمالة المصرية ويستولوهم عن أي عمالة تانية، ولا انتم رأيكم إيه ؟ ..اكتبوا رأيكم في التعليقات.
